CHAPITRE CXXX

Comment Canole se parti de devant Paris.

Par cinq jours se tindrent Anglois devant Paris et au sixiesme jour se deslogerent. Au partir de devant Paris, chevaucherent Anglois par le royaume de France. De Paris yssirent messire Hue de Chastillon, maistre des albalestriers de France, le comte de Sancerre, messire Loys son frere et grant chevalerie de France qui l’ost des Anglois aloient costoyant ; et moull les dommagerent. Et en ardant et exillant le pays alerent tant Anglois par leurs journées qu'ils entrerent en Anjou et en Maine. Là conquistrent plusieurs forteresses; et moult se refreschirent, car grant famine avoit eu en leur ost et voyage.

Mais cy endroit 8e lait l’ystoire des Anglois, qui en Anjou et en Maine se sont espandus par les chasteaux, dont bien saura parler quand lieu en sera, et retourne aux fais de moessire Bertrand.

1 Sorlit des rangs.