CHAPITRE XX VII

Comme le duc de Bourbon sceut nouvelles de la prise de Belleperche par les Anglois, où la duchesse sa mere fut prise.

Messire Robert Canolle, Anglois, qui par moult de fois avoit traversé le royaume de France, quand il fut hors de Bresth qui estoit au duc de Bretagne, il loua Dieu que les François ne l’avoient là altrappé, veu la diselle où il estoit; si s’en passa en Anglelerre, tourna par mer en Bourdelois , et reconquist aucunes places que les scigneurs de France avoient conquises en Guyenne, lesquelles il trouva despourveues de garde; si se mit ens, et les tint; ès quelles il meist ses capilaines et soudoyers à les garder pour le roy anglois; et par especial voult que la ville de Nyort en Guyenne (qui encores ne s’esloit rendue aux François) fust chambre et recepte des Anglois qui passeroient mer, et aussi des pactis. Si avoit laissé messire Robert Canolle à Nyort pour capitaine, messire Thomas d'Angorne, à belle compagnie de gens d'armes et d'archers. Et durant le temps que le duc de Bourbon estoit en la compagnie du duc de Bourgongne en France où il guerréoit les Anglois, deux hommes d'armes de Gascongne , l’un appellé Cicot de la Saigne, et l'autre Ortingo d'Ortesye, qui bien avoient six vingt combalans, et deux cens archers, eux véans que la guerre s’anéantissoit en celle part, requirent à leur capitaine de Nyort messire Thomas d'Angorne, comme il les laissast aller o leur compagnie à leur adventure, et ne se doutasl, car ils pensoient faire chose qui luy viendroil à plaisir, et qui seroit l'honneur au roy d’Angleterre, et profit à eux; si leur octroya volontiers. Adonc de Nyort se partirent Cicot de la Saigne et son compagnon Ortingo d'Orlesye o leurs gens garnis de bons eschelles; et tant par

‘ D’Agworth.

VIE DE LOUIS DE BOURBON

nuict que par jour chevaucherent jusques à co qu’ils feurent en Bourbonnois, où par exprès adviserent le chastel de Belle-perche, qui estoit du duc de Bourbon, où demeuroit la duchesse sa mere, et y tenoit son tynnel. Si y vindrent si à point que la place prinrent par la porte en guise de vilains'; et y entrerent leurs gens d’armes, et detinrent la dame prisonniere sans lux faire nulle ledange : mais pour ce que le fort estoil bien garny de vivres, tant pour hommes comme pour chevaux, s'en feirent maistres cl le tinrent. Dont bien tost ces nouvelles vindrent au duc Loys de Bourbon, comme la duchesse sa mere estoit prise des Anglois, enseinble Belle-perche, et outre avoient prins la Bruyère l’Aubespin. De ce fut moult dolent et couroucé le duc de Bourbon et de la prinse madame sa mere, tant que c'estoit merveilles; et s’en alla le duc tirant jour et nuict à Paris devers le roy, qu’il lui aydast , où il trouva poy d’ayde, car le roy esloit moult troublé de son armée qui estoit rompue. Et le duc de Bourbon véant qu'il n’avoit nul secours du roy, pour ce qu'il avoit moult la besongne à cœur, feit partir ses gens pour tirer en son pays à le garder jusques à sa venue, c'est à sçavoir, messire Guichard Daulphin, messire Griffon de Montagu, messire Guillaume de Vichi, et les gens de Bourbonnois et de Forest, jusques à quatre cens qui s’en tirerent jusques à Sainct Pierre le Moustier à trois lieues de Belle-perche; et la nuict lesdicts capitaines el gens d'armes de Bourbonnois, de nuict allerent mettre une embusche auprès de Belle-perche, jà jusques deux cens Anglois qui venoient de la Bruyere à Belle-perche. Si ferirent parmy, ics meirent en fuye, et en prinrent aucuns qu'ils detinrent. Et le jour devant avoit esté pris des Anglois messire Robert de Chaslus, et le commandeur de Ja Marche à trentehommes d'armes, à Monteilhys

‘près de Moulins, qui demeurerent les gens de

Bourbonnois près d’un mois sur le pays en attendant leur seigneur. El pendant ce vindrent le comle de Sanxerre et le mareschal sur la frontiere, et orent advis ensemble les gens de Bourbonnois qu'il seroit de faire. Si fut accordé d'aller assieger la Bruyere, afin que, quand le duc leur scigneur seroit venu, qu'il n’eust à faire qu’un siege. Et par ainsi fut la Bruyere assicgée, où le commun de Bourbonnois alla au siege, qui bien estoient deux mille. i Déguisés en paysans. °

qui en feirent de grosses charbonnées.