CHAPITRE XXVI
Comme le duc de Bourgongne fut esleu pour passer cn Angleterre, et pourquoi l’armée ne se tint.
j Charles roy de France s’esjouyt moult, qui
véoitses ennemis assez au bas, tant en Guyenne qu'en Normandie, subjugués par l'effort du duc de Bourbon et de son connestable, et d’autres ses bons servans. Et pour monstrer sa puissance, ordonna en son Conseil que le duc Philippe de Bourgongne son frere, et le navire de Flandre, et les galleres du roy, iroient en Angleterre par conquesle l’année ensuyvant, et le pouvoir de France, et se feroit l’armée à Rouen. Et le duc de Bourgongne qui ot prins congé de son frere le roy, s’en tira à Rouen à grand nombre de bonnes gens, jusques à trois mille hommes d'armes, et le duc de Bourbon alla o luy, qui amena huict cens ; l'admiral de France, messire Jean de Vienne, et l’un des mareschaux appelé le Baudin de la Heuse, le suyvoit atout sept cens; et messire Renier de Grimault avoit huit cens bons arbalestriers genevois, pour fournir ses galleres ; et outre y cstoit le maistre des arbalestriers qui avoit belle compagnie de Picardie; et le comte de Flandre devoit faire aller de sept à huict mille Flamans par la mer d'autre part. Et feirent les monstres des seigneurs au pont de l'Arche, jouxle Rouen ; et là les receut le Baudin de la Heuse, et feurent payés tous les gens d’armes pour deux mois. El tandis que l’armée de France esperoit à passer outre, vindrent nouvelles au roy de France : que l’armée des Anglois estoit en grand nombre descendue à Calais pour venir lirer à Sainct Omer en Picardie, et d’icelle arméeesloil capitaine messire Jean Joyel; et estoit celle armée faicte pour rompre celle des seigneurs françois. Et ce oy, le roy manda aux seigneurs et gens d'armes qu’ils irassent vers Calais pour obvier aux Anglois et deffendre le pays. Si le feirent. Et ainsi fut le passage d’Angleterre qui moult couste à mettre sus, rompu. Et chevaucherent les scigneurs vers Sainct Omer ; si trouverent que les Anglois estoient jà entre Liques et Ardre, et les seigneurs de France estoient atout leurs gens au dessus de Liques en une pelile montagne, laquelle on nommoit Tournehen ; et les Anglois se Lenoient bas ès marests, pour ce qu'ils n’estoient mie assez forts pour combatre , dont ils se tenoient plus volonticrs
en place forte. Et demeurerent François el Anglois les uns devant les autres trois sepmaines, et ot de belles escarmouches tous les jours. El envoya le comte de Flandre au duc de Bourgongne son fils, dix mille communes.
Et quand les Anglois apperceurent tant de gens, ils cstoicnt assez près de la mer et en leur marche le comte de Guyne, ils s’en repairerent arriere en leur pays, et aussi les seigneurs de France se retrahirent.
