CHAPITRE XXXIII

Comment le duc de Bourbon araisonna les seigneurs d’Aurergne, d’assieger la Roche Sennadoirce qu'il assiegea.

Le duc Loys de Bourbon qui ot delivré Trois- Croix, se partit à tout son ost , ct alla à Clermont, où il n’y a que deux licucs jusques à la Roche-Sennadoire ; et manda le duc les seigneurs d'Auvergne, le comte Daulphin, le sire de La Tour, le sire de Mont-Ravel, etles autres grands seigneurs, et un appellé le sire de la Guculle, un des vaillans hommes d'Auvergne.

Elleur dit le duc de Bourbon : «Messeigneurs, : j'ay delivré trois places, et près d’icy est celle » qui deserte tout le pays : car ils sont quatre- » Yingts capitaines , et trois cens hommes » d'armes , et la place non prenable, si n’estoit » par lagrace de Dieu. » Adonc respondirentles seigneurs d'Auvergne, et dirent au duc: « Mon- » seigneur, VOUS nous requerez de ce que nous » vous deussions requerir à mains joincles, car

D'ORRONVILLE.

» celle place destruict tout Auvergne, el courent » tousles jours devant cesle ville.» Lors ordonna le duc de Bourbon que les Auvergnals allassent d’un costé, et luy et ses gens de l’autre, assieger la Roche-Sennadoire ; et fut commandé queles paysans emmenassent des vivres au siege cl tous habillemens que l'en pourroit trouver pour assaillir : ainsi fut dit et faict. Et lendemain sc deslogea le duc de Bourbon, et o ses gens s'en alla en la place la plus forte, où il feit tendre ses lentes et pavillons. Et la nuict que le duc se logeoit, ceux de la Roche-Sennadoire feirent emprise de faire saillir leurs chevaux hors, el en jetioient bien soixante pour eux en cuyder aller. Mais le duc de Bourbon, qui toujours faisoit ses faicts par belle ordonnance , avoit ordonné son guct si adroit que ces soixante chevaux feurent gaignés, où il n’y avoit que cinq hommes d'armes, et le remanant n'esloil que pages, mais c’estoient fleurs de chevaux. Les Anglois qui veirent leur place la Rochc- Sennadoire assiegée de deux parts, l'une par le duc de Bourbon, ct l’autre par les seigneurs d'Auvergne et grande foison de communes, se douterent fort qu’ils ne montassent par force entre les deux places, et pour ce feirent un pallis bas entre les deux montagnes, qui avoit cent brassées de long, et fut faict si hault en leur montaigne , qu’à peine une arbaleste y peust tirer au hault; et faisoient les Anglois chacune nuict le guct de cent hommes d’armes dans ce pallis, afin que l'en ne peust monter à eux sur la montaigne. |