CHAPITRE XXXIV
Comme, present le duc’ de Bourbon en son ost, se combatit le bastard de Glarins, pour la querelle du sieur de Mont-Ravcel, contre un Gascon anglois.
Entretant que le duc de Bourbon advisoil et imaginoit comme on pourroit prendre la place, advint qu’au vespre au guet, un Anglois gascon!, et un des gens du duc de Bourbon orent parolles ensemble, et nommoit on le Gascon Pierre de Lignage, et celuy de Bourbqn on clamoit le bastard de Glarins ; car Lignage disoit que le sicur de Mont-Ravel, qui esloil son prisonnier, luy avoit menty sa foy, et que si le contraire vouloitdire, vintavant, et 1] le combatroit, ou que s’il y avoit nul illec qui le voul-
1 Gascon du parti anglais,
sist maintenir, pareïllement le combatroit. À ce respondit le bastard de Glarins : « Je ne suis » amy ne parent du seigneur de Mont-Ravel; » mais si tu as si grand talent! de combatre que » tu monstres, demain je te combatray devant » monseigneur de Bourbon en querelle , que si » je Le desconfis tu seras mon prisonnier, et si tu » me desconfis je seray le tien. Et ce tu ne dois » myc refuser si tu as vouloir de combatre, car » c'est le mestier d'armes. » Et sur ce, dit l'Anglois qu'il en parleroit à messire Robert Chennel son capitaine, et puis qu’il lui feroit responce. Et le bastard de Glarins respondit : qu’il se tenoit bien seur de son très-redouté seigneur le duc de Bourbon, qu'il luy plairoit bien, car le duc ne luy refuseroit rien qui au bastard touchast à son honneur. Ainsi pour celle fois departirent l'un de l’autre; et devoit faire responce celuy Pierre de Lignage au bastard de Glarins dedans midy ou vespre; lequel le feit, et qu’il avoit licence de son capitaine au troisicsme jour, mais que* le bastard de Glarins l’asseurast , qui luy envoya seureté et saufconduict de par le duc de Bourbon pour luy et quatorze compagnons. Et entre tant feil faire le duc de Bourbon les lices. Et le tiers jour vin( Perrot de Lignage , anglois; et le feit recueillir le duc de Bourbon grandement et honorablement, pource que la chose estoit devant luy ; et trouva Lignage sa belle tente tendue ès lices , pour là desarmer et recueillir ses compagnons qui eslotent venus avec luy, et le bastard pareillement, et chacun sa chaire. Et eux eslans en leurs chaires, on leur demanda s'ils vouloient plus rien dire ; ils dirent que non. Adonc futcrié par les heraults : « Faictes vos de- » voirs ! » Si vinrent assembler , et feirent de belles armes quatre coups l’un sur l’autre (après le ject des lances) de leurs espées :
Mais le bastard de Glarins reculla son adversaire Perrot de Lignage bien six pas loing en combalant de l’espée, et au fort le bastard jetta jus son espée, et alla prendre Lignage l'anglois aux poincts; et le lenant fort, le porta par terre le bastard , et se jeta sur luy, et luy leva la visiere en luy donnant trois coups de gantellet sur le visage. Et lors l’Anglois qui, se sentit feru et mal atourné, se rendit, criant si hault qu'on le pouvoit bien ouyr. Nonobstant le bas-
1 Désir, volonté.
3? Pouryu que.
VIE DE LOUIS DE BOURBON
tard tira l’espée de l'Anglois, et l’en vouloit tuer, quand le duc de Bourbon dist qu’il suffisoit, et que assez en avoit faict; et sur ce les feist oster de ce point : car il ne vouloit mye que l’Anglois mourust, pource que la besongne avoit esté faicte devant luy ; dequoy celle bonté fut tournée à hault honneur au duc de Bourbon. Et pendant ce gage, un des capitaines de léans nommé Olin-Barbe, qui gardoit l’une des tours, traicloit comme ses compagnons el luy s’en peussent aller eux et leurs chevaux. Et maints y ot des scigneurs d'Auvergne el autres qui avoient volonté d’en estre delitrés, qui conseilloient au duc l'allée des Anglois ; mais il n’en voult rien faire, ains jura que jamais de là ne se partiroit qu’il auroit la place
äsa volonté , et les Anglois en son pouvoir. El
ainsi le feit, comme vous orrez.
