CHAPITRE V

Comme messire Bertrand print le chastel de Forgeray.

Bertrand du Guesclin, qui de ses compaignons fut moult voulenliers escoulé, di :

« Beaulx scigneurs, j’ay regardé que cy près »”de nous sied le chastel de Forgeray, que tient » depar le conte de MonfortRobertBrambroch!, » chevalier anglois. Nous sommes cy soixante » Compaignons armés, dont n'y a celluy qui » desir n’ait de vaillance. Plusieurs fois ai ré- » pairé environ ce chastel où prisonnier ay esté » une fois ; et y ay vu le bois apporter par

* Bembrough.

» poyres gens, à leur col. Vous sçavez que 16 » bois est près du chastel. » À celle heure passa ung varlet de Forgeray qui tantost fut prins. Par le varlet sceut Bertrand que hors de Forgeray estoit Brambroch yssu, et pou de gens y avoit laissé. Cil Brambroch estoit allé espier l'ost Charles de Bloys, qui ung chastlel avoit assiegié, et illec le cuyda surprendre ct de nuyt, Quand Bertrand oyt ces nouvelles , 1l fit le varlet garder, el tantost chevaucherent droit à Forgcray. À l'issue du bois, fit Bertrand parlie de ses compaignons embuschier, ct luy vingliesme de compaignons armés à couvert, se mistrenten maniere de povres boucherons; et, leurs cols chargiés de bois, vindrent près du chastel. Adoncques Anglois qui cuyderent que ce fussent boucherons , avalerent le pont apertement; et entrerent ens Bertrand etses compaignons, qui tanlost laisserent la busche sur le pont et crierent : « Guesclin! » Adonc saillit lembusche de Bertrand; et pour le chastel deffendre assemblerent Anglois, moult asprement contre Bertrand et ses compaignons. Illec eut assault fier el merveilleux, et moult y fut Bertrand blecié ; mais en la fin furent Anglois desconfits, et le chastel prins, qui moult fut fort et garny de vivres et de richesses.

Au jour que Bertrand print Forgeray, estoit entré Robert Brambroch en l’ost de Charles de Bloys; mais il fut desconfit ; et print son chemin vers l'orgeray pour soy illec garantir : et tantost luy fut au devant ung varlet qui la prise et la mortalité de Forgeray luy raconta. Adoncques fut plus dolent que devant n’estoit, el se mit à fuyr aultre part. De ce vindrent nouvelles à Bertrand, qui tantost yssit de Forgeray et poursuivit Brambroch, qui par les gens de Charles estoit aussi poursuivi. Et tant fit Bertrand qu'ilattaignit Brambroch. Là se mirent en grant deffence Anglois, qui plus fouyr ne povoyent; mais en la fin furent desconfits. Sur le champ fut occis Brambroch. Après celle desconfiture, retourna Bertrand à Forgeray, et de là en avant en ful nommé sire. De ce sceut Charles de Bloys nouvelles, qui mouit desira veoir Bertrand, pour la grant renommée qui de luy couroit par toute la duchié de Bretagne.