CHAPITRE XVII

Ci dit comment le roy Charles se contenoit en ses chasteauls el l’ordre de son chevauchier.

Aulcunes fois avenoit, et assez souvent ou temps d’esté, que le roy aloit esbatre en ses villes et chasteauls hors de Paris, lesquelz moult richement ayoit fait refaire et reparer de s0lemnelz edifices , si comme à Mcleun , à Montargis, à Créel, à Saint-Germain en Laye , au bois de Vincenes, à Beauté, el mains autres lieux ; là, chaçoit aucunes foiz ct s’esbatoit pour la santé de son corps, desireus d’avoir doulz et attrempé ; mais en loules ses alées, venues et demeures estoit tout ordre et mesure gardée; car jà ne laissast ses colidiennes besongnes à expedier ainssi comme à Paris.

L'acoustumée maniere de chevauchier estoit de notable ordre : à tres grant compaignie de barons et princes et gentilz hommes bien montés et en riches abis, luy assis sus palefroy de grant eslitle, tout temps veslu en abit royal, chevauchant entre ses gens, si loing de luy par telle et si honorable ordonnance que par l’aorné maintien de son bel ordre, bien peust sçavoiretcognoistre tout homme , estrangier ou autre, lequel de tous estoit le roy ; ses gentilzhommes devant luy ordenés, et gens d'armes, tous estoffés, comme pour combatre, en nombre et quantité de plusieurs lances, les-