PREMIÈRE PARTIE. — CHAPITRE XIX

quelz estoyent soubs capitaine, chevaliers notables, et tous recepvoyent beauls gages pour la desserte de cel office; les fleurs de lis en escharpe portées devant luy, et par l’escuyer d’escuierie le mantel d'ermines , l’espée et le chapel royal, selons les nobles anciennes coustumes royales.

Devantetaprès, les plus prochains du roy chevauchoyent, lesprincesetbaronsde son sang, ses freres ou autres ; mais nul jà ne l’approchast, se 1l ne l’appelast : après luy, pluseurs groz destriers , moult beauls en destre, estoyent menés, aornés de moult riches harnois de parement ; et quant il entroit en bonnes villes, où à grant joye du peuple estoit receu , ou chevauchoient parmy Paris, où toule ordonnance estoit gardée , bien sembloit estat de très hault, magnific , très poissant et trés ordené prince.

Et ainsy ce très sage roy avoit chiere en

tous ses fais la noble vertu d'ordre el convepable mesure. Lesquelles serimonies royales n'accomplissoit mie tant au goust de sa plaisance, comme pour garder , maintenir et donner exemple à ses successeurs à venir que, par solemnel ordre, se doit lenir et mener le très digne degré de la haulte couronne de France, à laquelle toute magnificence souveraine est deue et pertinent.