CHAPITRE XVIII

Ci dit Pordongance que le roy Charles tenoit en la dustribucion des revenus de son royaulme.

Pour ce que la science de politiques, supellative entre les ars, enseigne homme à gouverner soy mesmes sa mesgniée ! et subgiez et toules choses, selons ordre juste et limité ; comme elle soit discipline ct instruccion de gouverner royaumes et empires; tous peuples et loutes nacions en Lemps de paix, de guerre, de tranquilité et advyersité, assembler et amasser par loisibles gaagnes, tresors et revenus, dispenser pecunes , meubles et reccptes; apert manifestement cestui sage prince est très apris, sage maistre , et expert en ycelle science , laquelle la noblece de son courage, par la prudence de son averty entendement, luy apprenoit naturellement , sans autre estude de lettreure aprise en ceste partie : car sa personne gouvernoit par policie très ordonnée, comme dit est.

‘ Sa suite.

Ilem , les revenues de son demaine et rentes accrut grandement , comme 1l sera dit cy après.

Item , ses princes et nobles maintenoit en honneur et largece, et de luy contens.

Le clergié tenoit en paix ;

Le peuple en crainte et obéyssance en temps de paix et de guerre ;

Les estranges nacions , benivolens.

Les revenus de son royaume distribuoit segement, dont l’une partie estoit appliquée pour la paye de ses gens d'armes et soustenir ses guerres ; l’autre, pour la despence de son hostel et estat de luy, de la royne et de ses nobles enfans, grandement et largement soustenu ; l’autre, pour dons à ses freres et parens, dont continuellement avoit avec luy à grans pensions, et des barons et chevaliers estranges qui yenoyent en France veoir sa magnificence, ou ambassadeurs à qui donnoit de riches dons ; l’autre, pour payer ses serviteurs, donner à esglises ou aumosnes; l’autre, pour ses edefices, dont il basti de moult beauls et notables chasleauls et esglises ; et toules ces choses estoyent largement payées, si que pou ou néant venoyent plaintes au contraire.