CHAPITRE XX VII
Ci dit de la liberalité et sage largece du roy Charies.
Qu'il soit ainssi que largece et liberalité soit vertu agréable à Dieu, appert parce que il nous commande amer nostre proisine ‘ comme nous mesmes ; lequel commandement accomplir seroit impossible, là où ycelle seroit close et hors usage; et que la premisse vertu de nostre introïle, c’est assavoir noblece de courage, se peust emplir et parfaire sanz celle avoir, ne pourroit nullement estre, et par especial ès princes poissans et aisiés de mettre à œuvre les liberalitez à quoy elle instruit ses très vertueux nobles courages, acquerans la lueur de bonne renommée.
À nosire propoz, povons avec les autres vertus prouver nostre prince susdit très entièrement rempli de pure, virtueuse et prudent largece , sanz laquelle vertu avoir nul prince, quelque autre grace qu'il ait, ne peut acquerir parfaictement estrange amour ne grant loange; et que la ‘trouvyions entiere en nostre roy, le nous aprent experience de ses fais, si comme nous l'avons cy - devant recilée, et sera cyaprès ; car, comme dit Boëce, « la liberalité » du prinec ne s’estent pas seulement en don- » ner dons, mais en joyeusement recepvoir » tous en liberal pardon, en expedicion de » causes, en audience des povres, et à loules » choses, où l'office d'amour demonstre son » effect. »
De ce dit Tulles * : « Que le prince plus de- » monstre sa liberalité quant se rent privé el » douls entre ses gens , que se leur donnoit or » et argent ; » et de lout ce estoit expert celluy dont nous pardns, par lequelz sens et liberalité actray l'amour des estranges et privés.
Douls et debonnaire estoit entre ses gens :
par laquel doulceur, sens et gouvernement l’avoyent en si grant reverance que ilz le craignoyent et doubtoyent à courroucier plus que quelconque chose, et non mie par rigueur qui en luy fust, mais par pure amour, de laquelle vient crainte bien ordonnée qui les faisoit doubter offenser sa digne magesté; car toutes CEs choses tant par ordre estoyent menées en tous ses fais, que riens n’y avoit fait que gardé n'Y eust raison, ordre, temps et mesure; el tant
î Prochain.
$ Cicéron.
