CHAPITRE XXX
Ci dit de la vertu de vcrité en la personne du roy Charles.
La vertu de verité, sanz laquelle avoir aucun ne pourroil desservir, ne estre digne de loange, en la personne du roy Charles estoit trés reluisant et manifeste; car, si comme soit chose très aduisant à prince, et le contraire plus qu’à autre gent grant vitupere, mençonge aucune ne fust oye yssyr de sa bouche, ne faulse promesse ; ce qu’il affermoit estoit verité ; en ce qu’il promettoit , en l'attente, n’ayoit faulte aucune en nul cas.
Dont comme il voulsist que ses commandemess fussent obéys, comme raison le debvoit, et que verité fust tenue, avint une foiz, qu'il ot donné à un gentilhomme, qui bien l’avoit desservi en ses guerres, la somme de cinq cens frans, par un mandement à ses generaulx, de laquelle chose avoit comandé de bouche expressement à un de ses generaulx, appelé Bernard de Montlehery, qu'il n’y eust faulte d’expedicion ; et nonobstant ce, pourmena par pluseurs jours ledit gentilhomme, lequel par ennuy s’en ala plaindre au roy, à qui de ce desplut grandement, et, selon ce qu’il n’estoit mie furieus , bien le monstra; car, incontinent ct de fait, par un de ses sergens d'armes et ledit gentilhomme l’envoya executer, et prendre la vaisselle d’iceluy general, lequel, moult espovanlé de l'indignacion du roy, le delivra incontinent.
Encore qu’il fust veritable, appert, en ap-
* Aulu-Gelle.
LE LIVRE DES FAIS ET BONNES MEURS DU SAGE ROY CHARLES
prouvement de la noblece de son courage, par ce qu'il fist à un Angèls son grant ennemy, appelé le captal de Beu ‘, qui moult estoit nolables homs et grant capitaine d’ust, lequel , au temps du couronnement du roy Charles, comme sera cy-après dit, avoit cuidié empescher ledit couronnement ; mais, Dieux mercis, il faïlly, et, sa gent desconfite, il fu pris ; dont après ce qu’il ot esté une picce en prison, le roy, de sa debonnaireté , le delivra, parce qu’il promist cstre bon françoiz, et le fist le roy son chambellan, et assez de bien et d'onneur luy fist; mais quant les guerres recommencierent, celluy prist congié du roy, renonçant à son service ; et comme luy donnast le roy bien et voulenliers, et luy eust du tout octroyé et promis de s’en laissier aler quictement, fu dit au roy que à son trop grant prejudice seroit le laissier aler : car il estoit homs de grant poissance, entreprise et hardement ; si sçavoit l'estat et secret de son gouvernement et de sa court, et qu’encore luy pourroit nuire trop grandement; et que, en le retenir, n’y avoit point de reprehansion , puisque son prisonnier estoit non delivré par rençon, qui partir s'en vouloit pour luy nuire et grever. Le roy, nonobstant qu'il sceust bien que ce conseil cstoit veritable, juste et loyal, el que celluy le greveroit, puisqu'il ot promis et octroyé le congé, nullement ne le volt retenir, et aler le laissa ; lequel depuis moult nuisi à ce royaume ; mais, comme Dieu le payast , puis mouru és prisons du roy, comme dit sera.
Cestuy cas et la veritable vertu de nostre roy me ramentoil la loange du vaillant preudomme Regulus, consule de Romme et prince de l'ost, lequel, après maintes belles et merveilleuses victoires qu'il ot eues sur ceuls de Carage pour les Romains, el qu'il eust occiz l’espouyantable serpent qui avoit six vingts piez de long, dont le cuir à Romme, et moult avoit occiz de ses chevaliers ; finablement de ceulx de Cartage fu pris en une bataille; et comme ceuls de Carlage eussent plusieurs prisonniers de Romme, et les Rommains de ceuls de Cartage, voulsissent bien ravoir leurs prisonniers et rendre ceuls de Romme, leur plot envoyer en message ledit Regulus, receu toutevoyes son serement qui, ou cas que non, il
1 Le captal de Buch (Archambauld de Grailly).
