CHAPITRE II

Ci dit quatre graces neccessaires à chevalerie, que ot le roy Charles.

Si avons donques comment, selonsl’oppinion d'aucuns aucteurs, vindrenl seigneuries et aussi chevalerie primierement, et quel chose est celluy ordre, et pourquoy il fu estably, et comment il fut très noblement el à juste cause instilué, et soit de digne- reputacion ; nous convient regarder quelz choses y conviennent, de quoy il doit servir, à quelz comparaisons se peut assimiler ; et quant aux choses qui luy conviennent, toutes les serimonies d’icelluy dit ordre bien scrupulées ‘ , en conclusion me semble que, entre les choses expedientes,

quatre ensemble en y a neccessaires ; car sans

ycelles n’aperçoy et ne pourroit estre le degré et titre de chevalerie honoré , nullement acquis ne acreu par quelconque voye, c'est assavoir bonne fortune, senz, diligence et force ; et là où l’une de ces quatre fauldroit, la vertu des autres remaindroit *, comme toute amortie.

Et qui ce veult à droit noter peut comprendre que, sanz l'assemblée de ces quatre, onques , en quelconque empire, regne ou homme singulier, ne fu eslevé le haut nom de très louée proëce ; si soit avisé de nous, se trouver

Examinées avec scrupule.

* Resterait.

LE LIVRE DES FAIS ET BONNES MEURS DU SAGE ROY CHARLES

se pourra aucun chevalier digne , selon le degré de vertu , estre appelé milite, à l’interpretacion devant dicte; et vrayment tout soyentiz, ou temps d’ore, pou communs, j'en apperçoy, entre les autres, un en son temps digone d’estre nommé vray milite, nonobstant les contrediseurs, qui jugent, non mie selon les effects des choses, mais au regart du repos des membres : et ce est le sage roy Charles, dont nous traictons ; duquel est certain que, comme introduit par l’administracion de raison et grant prudence en toutes choses , sanz faille ‘ fu conduit par ces quatre susdictes vertus el meurs en tous les fais generaulx et particuliers de ses guerres ; el ce nous tesmoigne et fait cerlains la vraye experience que nous sçavons clercment par la fin de ses glorieuses conquesles , desquels fu principal capitaine sens, avec l'ayde de Dieu qui donne bonne fortune, diligence et force de soustenir les diversitez comprises en telles bellacions ou batailles ; et qu'il soit ainssi apperra cy-après , par la declaracion des fais du descombrement de son royaume, lequel estoit par ses ennemis comme tout entrepris , avironné et pourpris.