CHAPITRE III

Ci dit quel similitude peut estre baillée à chevalerie.

Encore nous convient à dire à quelz comparaisons se peut adjoindre ceslui ordre de chevalerie, et de quoy il doit servir , que signefc son nom; dont , par naturelle similitude, me semble, se peut comprendre, si comme un liam, ou une chayenne forte et de dure assemblée par ordre de plusieurs aneaulx joins et entrelenans ensemble; car, si comme chayennes sont communement faictes pour la deffense et soustenail de ce que on vueult qu’elles soutiennent ou environnent, doit estre ordre de chevalerie en un chascun à par soy, de sa puissance, et en pluseurs ensemble, comme uné chayenne dure , serrée et entretenant, pour le soustenail et deffense de la commune utililié.

Car en un chevalier seul doit avoir comme une chayenne de pluseurs aneaulx ; c'est que pluseurs consideracions le doivent tenir fort et ferme , et faire en luy une chayenne de forte durée, c'est assavoir honneur qu’il acquiert en faisant son debvoir, memoire aprés luy de #65

‘ Faute.