DEUXIÈME PARTIE. — CHAPITRE IV

bienfais, gueredon et loz des princes, Dieu a amy pour la deffence de son peuple. Et ces choses doivent faire un chascun chevalier, à la semblance de la chayenne, fort et affermé , si que estre ne puist roupt " par auculne paour ou couardise.

Ordre de chevalerie, de pluseurs ensemble, doit autresi estre comme la chayenne de pluseurs anneaulx, fort à despecier et de longue durée ; c’est que, ès batailles arrengiées et aux assemblées, doivent estre ensemble, comme une chayenne dure, serrée et entretenant, resistant à la force des adversaires et ennemis.

Pourquoy ordre est appelé, n'est mie à entendre que ce soit un nom simplement dirivé des serimonies que on fait lorsque l’omme est insilué chevalier ; ains vient ce nom d’ordonnance qui doit estre en celluy office, et aussi bien en tous ceulx qui suivent les armes, comme

en ceulx qui sont fais chevaliers ; car, comme.

j'ay dit devant en conte d'armes, tous ceulx sont chevaliers qui hantent chevalerie , et chevalereux sont appelés tous les vaillans en cel office ; et il n’est chose plus neccessaire à avoir ordre, qu’il est en l’exercite et fait d'armes ; car là où ordre n’y est gardé, c’est une chose desroupte, confuse et gaste ; et c'est chose manifeste, si comme on voit les batailles où ordre est roupl, en peu d'’eure desconfites et vaineues : et sanz faille, d'icelle cause vint le non que on dit ordre de chevalerie. De quoy «il » doit servir, dit Vegele en son livre, que son “office est garder et deffendre le prince, le » clergié, les femmes, le commun , » si comme devant ay recilé.

Mais pour ce que, à tel charge avoir, y convient employer si chier chatel , comme la vie, le sang , les membres et l’avoir ; en retribucion de leur sang fu estably honneur et reverance en toutes places ; pour reconfort ct recréacion du corps travaillié et piercé , leur fu ordené gages de deniers el pansions convenables , prises ès tresors el revenues des citez ou royaumes, ou du commun peuple; en regart des mesaises, durs gistes, froit, et mains meschefz, és losgs sieges, aux champs dehors, et aux periz des assaulx et des batailles , les riches aornemens orfroisies * et reluisans d'or

et de pierres precieuses leur furent cstablis, comme chose à eulx deue et pertinent.

Rempao.

* Couverts de broderie.