DEUXIEME PARTIE. — CHAPITRE X
la bonté, doulceur et vertu de son fruit; et aussi de la beaulté, verdeur et pourprise de ses grandes et espandues branches et feuilles , me semble qu’assez appartient parler aueunement en nostre traictié du beau fruit et belles branches de l'arbre dont cy devant avons jà parlé de la racine , ouquel dit arbre et plante pous prenons la matiore et le motif de ce present volume ; ce est le sage roy Charles, dont sailly fruit bel et bon, que Dieux, par sa grace, veuille augmenter et saulver en toute bonne convalescence et vertu ; ce sont ses très dignes et haulx enfens , le roy Charles, qui à present règne , et Loys, monsieur le duc d’Orliens, son frère. :
Les branches de l’arbre sont ses tres nobles freres, lrespassés et en vie. Et pour ce que tous arbres, et mesmement d'icelluy, furent et son avant les branches que le fruit; et aussi, pour ce qu'il appartient à l’estendue du continue procès ‘ de ce livre, disant par ordre les particuliers fais au propoz de chevalerie, diray des dictes branches ains que du fruit, c’est assavoir des freres dudit roy.
En commençant au plus asgé après le roy Charles , lequel fu appellé Loys, duc d'Anjou et de Touraine, qui après fu couronné du royaume de Naples, comme cy après sera dit ; lequel Loys je treuve ès croniques et l’informacion de gens dignes de foy, à son vivant serviteurs de luy, ce fu prince louable et de digne repulacion, moriginé et appris en loules choses qui à hault prince peuvent appartenir estre conyenables ; moult sages homs estoit et avisiès en tous fais, prompt en parolle belle et bien ordonnée, hault et pontifical * en maintien, très bel de corps et de viaire*, passant les autres communs hommes de grandeur ; de très grant courage estoit, et moult desiroit haultes signones ; hardy et traveillant; amoit les chevyalereux, et les sages clercs; amassoit et tiroit eniron soy tous beauls hommes fors et bien combatans qu’il povoit avoir; constant en delibéré propoz, fier et courageux contre ses ennemis ;-douls, paisible, et très familier à ss amis et à privé; entre ses servileurs, si trés humble et tant humain, que plaisir estoit de ly servir ; convoiteux estoit d’amasser tresor, pour desir de voyagier et conquerre : à brief
t Progression.
Majestueur.
3 Visage.
, parler, moult de belles verlus furent en luy ; et
se forlune ne luy eust nuit oultre raison, jà n’eust en son temps failly à conquerre royaume ou empire.
Les emprises et faiz par luy accomplies furent pluseurs, et trop me seroit long tout narrer.
Mais en brief, en France, ou temps des guerres, regnant son frere le roy Charles, entro les autres forteresses qui en la duchié deGuienne et autre part par luy furent prises, fu en l'an 1374 prise la ville et le chaslel de La Rochelle, qui se rendi à luy pour le roy de France, avec luy le bon conestable Bertram; mains fors chasteaulx prist en Guienne et aussi Pierregort, aussi en Champaigne pluseurs, et prist le chastel de Bergerat, moult forte place; puis ala devant la grosse ville de Saincte Foy, qui siet sus la riviere de Dordongne, qui à luy se rendi; puis ala à Chastillon, grosse ville et chaslel, l'assiga et moult dommaga par engins, puis se rendy.
Item, le seigneur de Duras et le seigneur de Rosain s’estoyent retournés Anglois; si vint le duc devant Duras, y mist le siege, et par engins moult la dommaga, et au bout de trois sepmaines 8e rendy, et aussi mains d’autres chasteauls et fortresses de grant nom : mais, pour le faire brief, conquesta celle saison en Guienne jusques au numbre de six vingts et quatorze que villes, que chasteaulx, et autres grosses et notables fortresses.
Celluy prince fist grant guerre à la royne de Naples pour le royaume d'Arles et terre de Provence; dont ils firent paix, et le fist ladicte royne son fils adoptif, etheritier deson royaume de Naples et de Poulle ‘ ; dont, après ke trespassement du roy Charles son frere, nonobstant luy appartenist la regentation du royaume de France tant que l’enfantfust en aage d’estre : couronné, laissa {out ès mains des autres princes ses freres et pairs de France; à la plus belle et notable compaignie de gent d'’esloffe très esleus qui partist de France, passé a trop long temps, passa les Alpes, et ala en la mauldicte terre en laquelle trouva resistance par le contredict d’un poissant chevalier appellé Charles de La Paix, chief et duc de très grant multitude de gens d'armes, qui jà estoit saisis dudit paya, et avoit ladicte royne assigié en un
4 Pouille.
246 LE LIVRE DES FAIS ET BONNES MEURS DU SAGE ROY CHARLES
fort chastel qu'il par trahison prist, comme aulcuns dyent, et mourir la fist de piteuse mort.
Le duc d'Anjou, nonobstant son adversaire, enfin conquist aucques ‘ tout le royaume, couronné fu de Naples, et appellé le roy Loys :
longtemps y fu toudiz en guerre; et se le pays, jà par lui conquis et receu les sermens des princes , luy eust esté loyal, ce qu’ils n’ont mie d'usage, et vivres eust esté assez, car la terre et contrée estoit gaste et deserte, il n’eust point failly à subjuguer ses ennemis, et apres à conquerir l'empire de Romme, auquel avoit grant affection et esperance; mais principalement par . faulte de trouver loyaulté, et par necessité de vivres, failly la force de ses gens, lesquels à son povoir reconfortoit de tels biens comme il avoit, sans querre pour sa personne nul avantage de prince, mais les faisoit tous communs en ce qu’il avoit ; et tant paciemment portoit son ennuy et mesaise, qu’ils ne plaignoit riens, fors la destrece de ses bonnes gens et loyaulx servans qu’il véoit chascun jour mourir à grant douleur : et en cel esta fina * piteusement, dont fu dommages et pitié le vaillant roy Loys, lequel laissa sa très noble, bonne sage et belle femme et deux très beaulx et bons enfans, l’un appellé à présent comme le pere le roy Loys ; l’autre, trespassé n’a mie moult, appellé en tiltre prince de Tarente : et ainssy transist, la gloire du monde.
