CHAPITRE XI

Ci dit du duc de Berry.

Le deuxieme frere du roy Charles estoit Jeban , duc de Berry, qui encores est en vie, lequel en sa jeunece hanta les armes, et fu à maint fait d'armes, en Guienne et autre part, * contre les Auglois; fu moult bel jousteur, dont, ou tant qu’il estoit en Angleterre avec son pere le roy Jehan, y forjousta les joustes * par plusieurs fois, et aussi en France.

Jolis estoit, amoureux et gracieux et de moult joyeuse condiction; en France, au vivant du roy Charles, furent par lui assigiées maintes fortresses, et prises ; et pluseurs à luy se rendirent , et mesmement la cité de Poictiers, eomme devant est dit.

# Aussi.

3 Mourat.

5 Fut vainqueur dans les joutes.

Ses condicions sont telles : il est prince de grand benignité à loutes gens qui à lui ont à parler ou besongner ; sage en conseil, preudomme en fait ; aime principalement de grant amour le roy et son estat, et tous ses parens et affins ‘ ; moult est debonnaire à ses serviteurs, les aime et porte, et enrichist par especial ceulx dont à singuliere oppinion, ou a trouvé bons. |

Se delicte et aime gens soubtils, soyent clercs ou autres, beaulx livres des sciences morales et histoires notables des pollices rommaines , ou d’autres louables enseignemens, moult aime et voulentiers en oïit tous ouvrages soubtilement fais, et par maistrise beauls et polis, aornemens riches, beauls edifices dont a fait faire maint en son pays, à Paris el alieurs ; est prince de doulce et humaine convyersacion, sans haulteineté d’orgueil, benigne en parolle et responce, joyeus en conversacion, et en toutes choses très traictable.

De beauls enfans a eus : plusieurs fils et filles desquels, sans plus, deux belles et bonnes dames sont en vie; l’une , contesse de Savoye; l'autre, mariée au primier né fils du duc de Bourbon, à présent comte de Cleremont , laquelle est dame de grant devocion et bonté, suivant la trace de sa bonne mere ; de laquelle mere dient aulcuns que quant elle fu trepassée , fu trouvé, en lieu de tresor, plain un secret coffre de haïres, cordes et choses d'abstinence et devocion. Belle lignie voit cestui duc venue deluy, nepveus et nieces ; que Dieux, par sa grace, lui veuille conserver en tout bien une longue vie ! É