LE LIVRE DES FAIS ET RBONNES MEURS

sang royal, de qui naistra de nouveaulx parens ès estranges contrées et affinités ès nacions longtaines.

Ainssi ces nobles fleurs de lis odorans, venues de racine susdite qui de Troye la grant fu apportée, seront el sont neuplées en exaulcement de gloire et de vertu, par quoy maintes gens seront revigores et reconfortés : et aussi par l’ayde de la noble chevalerie de France, monteplyée, Dieux mercis, autant comme en tous les temps passés ait esté, où moult a de vaillans hommes et de bonne volentés, et desirans d’acroistre leur loz et renommée, et aussi de sages conduiseurs et meneurs des fais de ce royaume, si comme le conte de Tancarville, seigneur veritable et preudhome, bon, loyal et sage conseilleur, M. de Heugueville, el mains autres sages el vaillans , tous tendens au bien et utilité de ceste terre; et d’autres preudeshomines, sages distribueurs et conseilliers loyaulx de la personne du roy, si comme messire Jehan scigneur de Montagu, vidame de Laonnois et grant-maistre d'ostel du roy, chevalier sage, loyal, preudome et de conscience ; el celluy suis-je tenue de ramentevoir, car c’est le pere des pores et secours des besogneux, homme prudent et et discret, large de son avoir et de sa parolle, et ayde liberal et vray amy, si comme maint ct moy l'avons esptouvé : le benoit fils de Dieu le veuille tenir en prosperité !

Si avons cause d’esperer à l’aide de Dieu, et n'est point de doubte , France estre continuée en bonne convalescence et prospérité , selons les aultres terres de crestienté, èsquelles les seigneuries sont venues d'aventure et continuées par tirannie, non pas ainssi naturelles comme en ce royaume, ct où il n’a tant de pilliers nobles et poissans, tous d’une loyal aliance et d’un lignage , vrays et obéissans à un seul chief; et quoyque pluseurs gens dient et jugent que tout ira mal, pour les pechiés commis en ce royaume, je tiens que Dicu misericors, qui scet la fragilité humaine, conservera sôn roy el son peuple vray creslien et non cruel, mais humainement pecheur et obstiné, ne de si horrible perversité, comme en pluseurs pays sont ; laquelle chose Dieu, par sa misericorde vueille octroyer!