DEUXIÈME PARTIE CHAPITRE XVII

Cy respont Christine à sulcuns redergus! que on lai pourroit faire.

Or est temps que je retraye à ma primiere matiere ; mais avant, me convient excuser et respondre à deux articles de quoy les redargueurs me pourroyent, présentemens et ou temps à venir, encourper * de vice : l’un que le continue* de mon œuvre, ès chapitres là où je parle du roy à present regnant et de nos autres seigneurs, en louange d’eulx et de leurs meurs, que flaterie, pour acquerir leur grace ou benefice, m’a ingerée à ce dire; car, comme nul homme soit sans crime, je me taise de leur vices, et dye sanz plus les vertus : l’autre que, camme il n’appertiegne louer aucun, el determinéement le dire estre bon jusques après le terme de ses jours, comme toutes choses soyent extimées selon regart de lafin, je aye dit yceuls nos princes eslre bons, desquels ne sçay l’experience derreniere de leur fais. Si diray pour responce, saulvant la verité, que à ce ne m'a meue aucune adulaciop, n’espoir que pour ce eusse leur grâce; mais comme desir me menast de bien et deuement accomplir l’œuvre emprise, c’est assavoir de la loange du sage roy Charles, par diligent informacion enquerir, à

ce propos , ce que ne sceusse de moy mesme, et que expedient savoir m'estoit, m’a semblé pertinent à la matiere ramentevoir son très excellent, noble et digne parenté ; mais comme de ce ne sceusse de moy parler, fors à l'aventure, et non vivement, me soye informée diligemment de chascun d'eulx par ceuls qui plus les frequentent et qui mieulx le doivent savoir, sages dignes de foy; et leur desclairant la cause qui me mouvoit, et priant à celle fin qu’en mon Traictié n’eust mençonge, me deissent pure verité de leur fais, dignes d’estre ramenteus, et leur meurs louables et el condicions, sine croye que nul que y aye mis mençonge de mon auctorité, qu’en vérité non ay ; ains sçay bien, nonobslant à de ce faire enqueste, aye mis diligence de ma poissance, n'en ay mie parlé souffisamment :

lune cause est, comme ne soye à la value; l'autre, que tous les fais dignes de loz ne m’ont mie esté raportés :.car comme je feisse, à mon povoir, diligence du sçavoir , les aucuns trou-

‘ Critiques. — * Inculper. — 5 Le contenu.