CHAPITRE XX VII

Des chasteaulx et villes qui furent pris en pluseurs pars du royaume par les François.

Ainsi, comme oyr povez, fu la male fortune des François, qui jadis moult les ot grevés, tournée, par le bon sens du prince et la peine des ministres , en convalescence et bon eur, comme, par exemple, est declairié le petit exploit que firent à si grant armée Anglois en France; et mesmement ladicte année le duc de Lancastre, parti qui fu l’an 1374, se rendy la ville et le chastel de La Rochelle, ainssi comme dit est.

Item, l'année ensuivant , se rendy la ville et le chastel de Cognac au connestable. /tem , ledit an , la ville et le chastel Saint Saulveur le Viconte en Contentin, qui, par l’espace de vingt ans, avoit esté Anglois, se rendy au bon admiral de France, qui assigié l’avoit; et n’est mie doubte que par especial , à {rois si especiales villes et chasteaulx prendre en si pou de temps, avecques aultres fortresses qui aussi le furent, convint avec la force grant sens et soubtilletés d'armes en maintes manieres, qui cy ne sont mie devisécs.

Et, à parler du sens qu'il convient en fait d'armes, dit Vegece : que, pour ce que le mestier de chevalerie est le plus perilleux, on n’y peut avoir trop grant sens ; parquoy en toutes choses communement, se faultes y sont, on les peut amender, excepté en fait de chevalerie ; car la male façon ne se peut reparer de ceuls qui sont mors : pour ce, est neccessaire savoir ce qui est convenable à faire.

Quant un ost a avisié place por soi retraire, laquelle doit estre en hault lieu, qui peut la forüfier autour de bons fossez, de chasteauls, de fust* et de palis; et là doivent estre leur garnisons, de laquelle chose se doivent pener d’estre saisis. Se les ennemis sont près l'ost, doit estre partie en pluseurs pars, pour garder que les ennemis ne destournent affaire les chas-

{ Nager.

3 Participe du verbe resptter, avoir répit.

3 De bois.