DEUXIEME PARTIE. — CHAPITRE XXIX

leaulx et fossez; et les pietons, à tout engins conyenables, doivent faire les fossez et bastides, et doit avoir commandeurs sur eulx, qui la chose ordonnent et leur facent faire. Et à faire chasteauls et garnisons, ou doit garder que le lieu soit sur eaue, et que montaigne ne soit sur euls; et doit-on prendre espace convenable, si que ceuls de l’ost ne soyent trop serrés ne trop espandus , et, qui peut, doit estre en bon air et sain.

On doit faire l’edifice ou les fossez reons!, ou en telle disposicion, comme est plus convenable ; La porte du chastel doit estre au front des ennemis, et autres portes, se la place est grant, qui soyent regardans pays, par où leur puist venir vivres et ayde. On doit mectre ensegnes et banieres aux chasteauls ; et se l’ost doit demourer grant piece? ou lieu où il se loge, besoing n’est de faire si grant edifiement ; et, dit Vegece, que se trop grant force d'ennemis n’appert, il souflit faire fossez larges neuf piez et perfons de sept piez ; et se grant force d'ennemis on actent, on les doit faire de douze piez el neuf de perfont, ou de treize, se la Lerre des fossez est autour ; et doivent estre les fossez roydes et drois du costé des ennemis, et y doit on mectre pieux agus, chauche-trapes et garnisons, encombrans à ceulx qui là se vouldroyent

devaler :.