CHAPITRE XX VIII
Comment le roy Charles, nonobstant sa bonne fortune en ses guerres el sa grant poissance, se consentÿ à traiclié de paix aux Angloiz.
À retourner à nostre principal, c’est nostre bon sage roy Charles, lequel, comme très vertueus, ne se surhaulsoit en arogance pour quelconques prosperité, ainssi comme il est escript de l’omme fort, comme dit saint Ambroise ou primier livre des Offices, « que la vraye » force de corage humain est celle qui n’est » onques brisiée en adversité, ne s’enorgueillist » en prosperilé, qui n’est recreue en labour, » qui est hardie en perilz, etc. »
Par ces signes , qui en homme fort doivent apparoir, povons tel nostre Roy approuver en lous ses fais, par especial ou procès de ses
Ronds.
3 Longtemps.
5 Descendre.
‘ Lassée,
guerres, ésquelles n’est nulle doubte; et le contraire seroit impossible, que souventefoiz . n’en oyst de nouvelles moult pesans et dures, selon l’entregect' de fortune, qui communement gouverne aventures de guerre, nonobstant la Dieu-grace, « au derrain * le meilleur,» estoit communement pour ledit roy; avoit à la fois des desconfilures, son pays ars et mal mis; de ses gens, amis et familiers, qu’il amoit de grant amour, pris et occiz : dont luy, plain de toute pitié et compassion, avoit au cueur de grans pointures. Mais pourtant , quelque adversité qu'il eust, la commune semblance de sa chiere* ne fust jà muée, ne flechissoit contre la constance de son juste afferme propoz, où qu’il n’esloit recreu* en labour, soing et despence de la deffense de son peuple; aussi, comme droit fort, ne s’enorgueillissoit pour quelconques prosperité : et, qu’il soit ainssi, appert par ce que en l'an 1375 , ouquel an ot devant de belles victoires ot eues sur ses ennemis; et jà soit ce que, par tous les lieux où il avoit guerre, par lerre et mer, fust le plus fort que les Anglois, par l’aide de Dieu et sa bonne diligence, et toutes choses à son avantage, et eust moult grant navire sur mer, tout bien garni de gens d’armes et d'arbalestriers , toutefois, par le moyen de notables plans de saincte Esglise,
pour l'amour de Dicu, de bien de paix et com-
passion du peuple, se consenti à traictié de paix, laquelle fu pourparlée entre les deuz rois ; et consentloit nosire roy, plain de doulceur, de laissier paisiblement au roy d'Angleterre les terres et seigneuries qu’il avoit en France; reservé toutefoiz à luy son hommage, souvyraineté et ressors des lerres que le roy d’Angleterre avoit ou royaume de France, tant en celles qu’il tenoit comme en celle que nostre roy, pour le bien de paix, luy vouloit encore bailler par ledit traictié, lequel Dieu ne volt que adont fust acomplis, ne paix faicte : et en ce mesme an mouru Edouart, roy d'Angleterre, qui longuement avoit vescu, et regné cinquantedeux ans.
