TROISIÈME PARTIE

Ct COMMENCE LA TROISIEME ET DERRENIERE PARTIE DE CE LIVRE, LAQUELLE PARLE DE SAGECE ET DES SCIENCES EN LA PERSONNE DU ROY CHARLES.

ET PRIMIEREMENT PROLOGUE.

O Dieux glorieux, qui jusques cy as esté aideur à mon œuvre terminer au mieulx, selon le volume de la matiere et l’enging que tu m'as presté, vueilles mon sens amagistrer à plus grant besoing ! c'est que me donnes entendement de cognoistre et forme de parler de si haulte chose comme bien voulsisse expliquer en cesle tierce partie de mon volume, c'est assavoir de sagece, el? quel terme ou seul mot peut estre compris sapience, science et prudence , si comme cy-après j’espoir à desclairier 3 ; lesquelles en aucune quantité souffisamment exprimer ne pourroit souflire le sens de mon entendement sanz toy, souveraine Providence, laquelle moy, par la consideracion de ma foiblece, espoyantée de me fichier * en si baulte maticre, j’apelle en soustenail et ayde, à parfornir et continuer le procès de ma dicte œuvre en procedant de fin en fin, selons l'ordre et cause primiere de cestui livre, c’est assavoir du sage roy Charles. Considerant ce que de luy peut estre dit, me prent appetit de parler en sa personne en terme estrange, en maniere d’oroison, ainssi comme se ores fust vi-

vant au monde, disant ainssi :

Et Dieu loué, glorieux roy de France, excellan! magesté, est de telz biens garnie : car, ad ce que digne renommée, en la journée d’uy, vostre hault nom denoncé sur tous princes morlelz, vous ne recognoissiez autre souverain que Dieu, comme il appert en la decretale de enfens legitimes, per venerabilem : aussi que replein soyés de perfeccions mundaines qui aduisent à prince, soyent accidentales ou propres, comme il appert, tant par considerer vostre

1 Génie.

% Dans le.

?De le démontrer.

‘ De m'ingérer.

sang valcreux, de qui l’estat resplendist par tous pays, par remirer ‘ vostre magnificence et voz propres coustumes, comme aussi par celles remembrer* que digne recordance recité de jadiz , lesquelles sont à plain desclairiées 5, tant par les genéalogies de voz predecesseurs , comme en fais aussi ; et que la reflambeur de vostre diademe, qui naturelement reluit en marches de delices , precelle tous royaumes, par qui lueur toutes terres s’esclairent et se duisent à meurs, par qui aussi, si comme chascun scet, vassal de Dieu et le primier des roys vous estes apellé, et encore non mie seulement vous soyez adorné de ses biens de dehors ; mais par dedens vous esles revestu des richeces de l’ame , si que de biens vous reluisez en toutes choses, et moriginéement vivez et en vertus occupez vostre temps; aussi edifiez et valez au commun, amez les bons et ceulx d’entendement : par quoy , et si qu’en la succes- : sion des roys de pareil nom, vous estes le cinquieme , Charles le Sage doyez* estre appellé par dislinctées vertus; dont et pour ce que vous, s1 ami de vertus, cognoiscent que c'est souveraine felicité la richece d’entendre ; vous, instruit ès sciens siviles, très sage philozophe et expert ès estoilles, voyant que en l’ordre des sciences sapience est la derreniere, l'amez comme singuliere chose. Est raison aussi que distinctéement et par ordre, en vostre nom soit desclairié plus particulierement le effect de sapience, de laquelle estes imbué et instruit en toutes choses, si comme manifestement le vous denoncent voz fais, soit donques procedé oultre à loenge de sapience et de voz valeureuses œuvres. Or me doint Dieux à tel fin esploictier que labour face à gloire de vous,

{ Contempler.

? Rappeler.

3 Expliquées.

4 Deviez.

et la bienyueillance de vos amés en reviegne sur moy !