CHAPITRE IV

Comment le roy Charles avoit grant entendement ; et qu'est entendement.

Avec sapience et science cst neccessaire don d’entendement à perfaicte sagece, c’est assavoir homme sage : or soit noté se celluy que nous disons si sage, qui est, à mentencion *, le roy Charles, pot avoir, avec les biens dessus diz, la noblece d’entendement, selon ce que le desclaire Aristote, qui dit « qu’entendement » est abit des principes primiers des demons- » trances ; » qui n’est autre chose dire que le concept des choses veucs, sceucs et oppinées par vrayÿes raisons.

Or regardons la soubülleté de l’entendement de nostre prince, comment gramment s’estendy à comprendre et concepyoir toutes choses, tant

{ Tous sans exception.

3 Chouettes.

3 À mon avis.

LE LIVRE DES FAIS ET BONNES MEURS DU SAGE ROY CHARLES

speculalives comme ouvrables, lorsque les belles sciences estudioit, desquelles les termes savoit plainement rapporter ès assemblées et congregacions des sages maistres et philosophes, parler de toutes choses si bien et si parfondement que nul ne l’en passoit ; et c'est chose manifeste , sceue et prouvée par gens dignes. de foy , qui ce tesmoignent.

Si povons de celluy roy conclurre que, entre les esleus, estoit très souverain et suppellatif en haullece d’entendement.

De ceste noblece d’entendement, dit Aristote au premier de Métaphisique : « Tous hommes, » par nature, savoir desirent; car, ditla glose, » par appetit naturel, l’entendement desire et » conyoile sayoir ; et la cause est, car l’enten- » dement naturellement est imparfaict ; dont, » comme l’appetit ensuive l’imperfeccion , est » desireux : car se imperfeccion n’i estoit, ap- » petit ni seroit. » Et de ce, et des dependences de sapience, scra plus plainement parlé, selon la declaracion d’Aristote cy après.