CHAPITRE X

Ci dit comment le roy Charles estoit droit artiste et apris és sciences; et des beauls maçonnages qu'il fist faire.

Assez avons dit de la vertu de prudence en la personne du roy Charles, de laquelle tout le contenu de ce livre est tirant à telle matiere ; mais pour un petit differer, selon l'ordre qu’Aristote met des verlus comprises en sa sagece par particularités distinctées, comme cy devant est dit, dirons d’art, en prouvant nostre sage roy Charles estre très grant artiste, soit ès sept sciences liberalles , ou ès causes ouvrables. Es sciences expert estoit: car en gramaire, qui aprent la maniere des mos, estoit souffisamment fondé et toutes en savoit les rigles ; l'art de rethorique, qui enseigne la forme de savoir mettre parolles er ordre de beau langage, sçavoit par nature et aussi par science ; logique, qui enseigne arguer, et entre le vray et lefauls discerner, nul de luy plus soubtil n'y fust trouvé ; arismetique, qui est science d’assembler numbre etmonteplier, sans laquelle science d'astronomie ne se pourroit passer, savoit le roy notablement ; de géometrie, qui est l’art et science des mesures et des ecquerres, compas et lignes, sanz qui nulle œuvreest faicle, s’entendoit souflisamment , et bien le monstroil en devisant ses edifices; de musique, qui est la science des sons accordés par notes minimes, entendoit tous les poins si entierement que aucun ne luy peut estre mucié; en la science d’astrologie, qui est art de cognoistre les mouvemens des celestielles esperes * et planetes, estoit souflisamment fondé : et en tous ces sept ars, tout ainssi qu'il est dit de Charlemaine, comme il sera dit cy après quo il les sça-

* Procho, allié.

3 Craint.

3 Caché.

* Sphères.

LÉ LIVRE DES FAIS ET BONNES MEURS DU SAGE ROY CHARLES

voit, de cestui Charles-le-Sage ne peut pareillement dire.

De art. entant que s’estent l’ œuvre formele, nul ne l’en passoit, tout n'eust-il l'experience ou exercite de la main.

“ Mais, dit Aristote, en tant l'artiste est re- » puté plus sage de l'expert, qu'il cognoit » mieulx les raisons pourquoy il convient qu'il » soit ainssi ; et l'expert, sans plus, ne cognoist » autres causes : ne mais il est ainssi ; car il » est assavoir, ce dit-il, que l’art ou la science » est dicle principal laquelle a plus principal » Operacion. » Comme les operacions des artistes sont distinctées , aucunes sont establies seulement à disposer les autres en œuvres , si comme maçons et charpentiers, qui , en siant, dolant ‘ et aplainant, disposent les buches ou les pierres à forme d’une maison, d’une nef, ou d'autre ouvrage.

Autre operacion y a, quant les buches ou les pierres taillées ou disposées, on les assemble en ordre, en la forme qu'on veult. Et autre Operacion y a encore : ce est l’usage de la chose jà faicte ; et ceste est la plus principal, car elle ordonne ct gouverne les autres, et est la fin de toutes , ct la primiere si est la plus petite; car sicomme la primicre s’ordonne à la deuxieme, aussi la deuxieme s’ordonne à la derreniere : 5 car Comme le principal maistre soit celluy qui use de la chose, si comme l’arbalestier de l’arbaleste, et le marinier de la nef, entant qu'il scet à quoy la chose est faicte plus que cil qui ouvyroil : par quoy, comme il appere que de la forme des artistes on prent les causes des operacions qui sont vers les disposicions des malieres, el par usage sont prises les causes des operacions qui sont vers les disposicions des malieres, si s'ensuit que les archileteurs, c’est assa voir les disposicions de l’œuvre, scevent les causes des besoignes, et que on les doit reputer les plus sages.

Assez ay prouvé que l'artiste a plus grant science que l'expert qui œuvre de la main ; lesquelles descripcions ne sont mie mes parolles , mais d’Aristote en sa Mélaphisique ; et tout soit la matiere obscurement desclairiée, et selon le stile du philozophe, tourner aux lais* ne doit à ennuy; car les soubtilles raisons sont l’aguisement de l'engin et entendement, comme

* Polissant.” * Laïques peu instruils.