CHAPITRE IX

Ci dit les bonnes condicions qui en prince doivent estre, lesquelles le roy Charles avoit.

Pourquoy ne fust amé le sage roy Charles, car en luy povoyent estre trouvées toutes les causes, si comme le desclaire le dessusdit livre du Gouvernement des princes , par qui bon ct sage doit estre de ses subgiez amé, qui dit:

» Que princes doit estre large en dons, et gra- » ces donner. »

Lesquelles choses avons assez prouvées de nostre roy. Sage doit estre, prudent, pourveu de toutes choses à la saulveté de son peuple : ce que nostre roy esloit ; juste, droicturier, diligent, fort et constant ès choses par conseil affermées : à ce ne falloit mie nostre prince ; douls et humain, communal entre ses amis ; fier et hardy contre ses adversaires : lesquelles condicions et toutes autres bonnes furent ou roy Charles.

Dist aussi ledit livre : « Que doit estre craint, » et pour trois causes : l’une pour les tour-

» mens de sa justice ; l’autre, que roy droictu- » rier n’espargne ne parent ne affin‘ en sa jus- » lice; ains, s’ils le deservent, plus sont punis : » la tierce, que le prince a de toutes pars es- » pandus les menistres de sa justice pour pu- » nir les malfaicteurs. » Mais comme nulle amour soit sanz crainte, et souvent crainte est sanz amour, trop mieulx vault à prince estre amé que cremus ?.