CHAPITRE XXI

Ci dit la sage response que le roy Charles rescript à un clerc mathemathien.

. Le sage roi Charles, qui se delictoit singulierement en tous hommes de science, entendi que, vers Avignon, avoit un speculalif clerc qui lenoit vie de philozophe, et moult soubtilment

‘ Parait. |

3 C'est ce même Malet qui était valet de chambre et bibliothécaire du roi.

3 Longtemps.

4 Tel.

5 Et Eschyle, auteur,de tragédies.

$ Anaxagoras, dont il vient d’être parlé,

ouvroit en l’art d'arquemie!, en laquelle avoit jà, si comme l’en disoit, actaint de moult beaulx et notables poins ; et avoit esté ce dit clerc disciple de maistre Arnault de Villeneuve, qui moult fu en science solemnel homme, el tenoyent aulcuns qu'il actaigni à la pierre des philozophes. Le roy, qui toutes soubtilles choses desiroit à veoir, luy escripst qu'il voulsist venir par deça, et bien et grandement lui seroit sa peine meritée. Le clerc, en ses lectres, dictées en très beau latin, mercia le roy humblement de l'honneur que à luy non digne faisoit; mais que vrayement, comme 1l fust homme solitaire, speculatif et d’estranges manieres , n'estoit apte à court, ne en bouche ne sceust avoir les blandices flateuses qu'il convenoit à seigneurs ; si estoit trop plus aise à repoz, à povre vie mengant chouls et rabes, en speculant philozophie; comme il ne fust convoiteux d'autre richece, qu’il ne seroit de quelconques delices ou richeces, par si qu'il deust perdre le repoz et aise de speculacion.

Le roy luy envoya un message, par lequel luy manda « que son repos ne lui vouloit il mie » tollir, mais accroistre, s’il poyoit; et que » pourtant, se Dieu luy avoit donnée la charge » de l’office de temporelle seigneurie. son in- » clinacion et desir n’estoie mie ès flateries » mençongeuses oyr, qui souvent aux princes » sont offertes ; mais enserchier les poins de ve- » rité et de vertus. » Celluy clerc, véant la benignité du roy, vint à Paris, où le roy le receupt à grant honneur, l'oy parler : pou demoura, puis s’en relourna, à tout de moult beauls dons.

La responce que fist ce clerc me ramentoit celle que fist Dyogenes à Aristipus, et compaignons avoyent ensemble esté aux escoles ; et comme Aristipus fust retenus du conseil du roy de Cecile *, Diogenes n’en volt estre, combien qu'il en fust requis. Une foiz avint, comme Aristipus passa de lez* un ruissel , vid Diogenes qui layoit les chouls pour son mengier, dist Arislipus : « Se tu voulsisses un poy flater Denis » le roy, tu ne mengasses pas chouls. » Diogenes luy respondit : » S'il te despleust si pou » qu’à moy mengier tel viande, tu ne flatasses «mie tant Denis, comme tu fais. »

f Alchimie.

Denys, tyran de Syracuse.

3 À côté de, auprès de.

LE LIVRE DES FAIS ET BONNES MEURS DU SAGE ROY CHARLES