CHAPITRE XXII

Ci dit de quoy vint ce que on dist : « Gardez-vous des » charrelCs. »

Comme le comte de Tancarville se fust longuement tenus de venir vers le roy, nonobstant mandé feust par pleuseurs foiz, s'envoya excuser, disant « que, pour le trop long sejour » fait à Paris, pour cause du mauvais air, avoil resté malade, et pour ce, une piece, s’esba- » toit à checier en la forest de Biere', el se lenoit à Meleun ; mais bien brief vendroit. » Le roy, qui oy l’accusacion du maulvaiz air, bien luy sembla que, partout où il estoit et demouroit, que ses subgiez ne debvoyent mie ressongner®?, pour maulvyaïz air ne autre cause, aler vers luy, respondi au messagé : « Dya, il » yameilleur cause ; il ne voit mie bien cler, et »ila à Paris trop de charetes; si s’en fait bon » garder. » Celle response bien entendile conte, et tost vint devers le roÿ.

À propos de quoy vint le commun mot :

« Gardez-vous des charretes. » Ou lemps que Phelippe , le roy de Macedoine et pere du grant Alexandre, regnoit en grant prosperité, ot desir de savoir l’eure et la maniere de sa mort, si fist de ce sa requeste au dieu Appollo, dont l'idole luy respondi « qu'il se gardast des-char- »retes. » Pour laquel response Phelipe fist destruire tous lés chars et charetes de son royaume; mais il fu deceu en son oppinion, car Posanias, le prince qui le tua en la bataille, portoit en ses devises et banieres la figure de charrele, et au panoncel du glaive dont il fut occis, avoit pourtrait deux charetes : et ainssi , par fallace * double, scet l'ennemy decepvoir ceulx qui le croyent.