TROISIÈME PARTIE. — CHAPITRE XXXIRT

rent la reverance, et distrent que le roy le saluoit , et moult avoit joye de sa venue et desir de le veoir ; et il, en merciant le roi, les receupt moult gracieusement et mercia de leur venue. Au devant luy alerent l’evesque de Cambray et les bourgoiz à bien deux cens chevaulx, et le commun et arbalestriers de la ville, arrengiés d’une partie et d'autre, pour lui faire la reverance. Ainssi y entra l’empereur, et son filz le roy de Bahaigne ‘ avec luy, et fut receup à procession de l'evesque et des colieges , el ala à pié jusques à l’esglise, puis en l’ostel dudit evesque, où estoit ordonné son ostel , bien paré et bien ordonné.

Aprés disné manda querir les gens du roy susdiz, publiquement leur dist devant chascun que, « combien qu’il eust sa devocion de venir » à Saint Mor, venoit principaulment pour » veoir le roy, la royne et ses enfans, que il » plus desiroit veoir que créatures du monde ; » et après ce que veu l’aroit et à luy parlé et » baillé son filz le roy des Rommains , qu'il lui

» amenoit pour tout sien estre, la mort pren-

» droit en bon gré; car accompli aroit un de » ses plus grans desirs. »

À Cambray, qui est cité de l'empire, celebra feste de Noël, et là fist ses serimonies imperiaulx , selon l'usage : ce qu'il n'eust mie fait ou royaume de France; et pour ce y demoura el chanta, selon la coustume et son droit, la septiesme lecçon à matines , revestu de ses abis et aornemens impertaulx, selon l'usage.

Lendemain se parti : au giste vint à l’abbaye de Saint Martin, où disna lendemain, et au giste vint à Saint Quentin ; les gens du roy du heu et les citoyens luy alerent à l'encontre el honnorablement le receurent, disans que bien fust venus en la ville du roy ; et grans presens luy firent de vins, viandes et tous vivres.

Puis vint au giste à Han, et toujours l’accompaignerent les susdiz barons de par le roy envoyés, et de ladicte ville ot presens. À Noyon vint: au devant lui alerent l’evesque, chapitre et bourgoiz à grant compaignie, et lui firent la reverance , et presens luy firent : deux jours y sejourna , et visita l'abbaye de Saint Eloy et le corps saint. Le jeudi, trente-uniesme et derrein jour de decembre, vint au giste à Compiegne : au devant luy furent deux cens chevaulx des notables de la ville, qui le receurent,

comme dit est,

* Bohéme.

Et lost après le duc de Bourbon, frere de 1a royne , le conte de Eu, cousin germain du roy, les evesques de Paris et de Beaulvaiz, et pluseurs autres notables personnes, jusques au noumbre de trois cens chevaulx et plus, vestus des robes dudit duc. La reverance luy fist le duc el les autres, et salut luy dirent de par le roy, qui là pour le recepvoir les avoitenvoyés: dont l’empereur moult mercia le roy et eulx.

Le duc de Bourbon semont' les chevaliers et seigneurs de l’empereur au soupper avec luy ; et l’empereur, qui l’onneur que le roy luy faisoit avoit moull agréable, y envoya son filz le roy de Bahaigne, et luy manda que s’il fust en point que il se peust aydier, car de nouvel unegrant pointeur de son mal de gouttes luy estoit prise ; que il, en sa personne, fust venus soupper avec luy. Si y ot moult bel soupper, large et honnorable et joyeux, si comme le sage et gracieux duc de Bourbon bien le sceust faire, et y furent les dames de la ville et d'environ.

Lendemain, qui fu vendredi primier jour de jenvier, vint au giste à Sanlis; audevant luy alerent le baïllif de ladicte ville , les bourgeois et officiers, disant que bien fust venus en la. ville du roy.