CHAPITRE XXXIII

Ci dit comment le roy Charles envoya ses freres au devant de. l'empereur.

Tost après vindrent, de par le roy, ses freres les duc de Berry et de Bourgongne, le conte de Harecourt, l’arcevesque de Sens et l’evesque de Laon, à grant compaignie de gentilzhommes et gens d’onneur, veslus de livrées des seigneurs, les chevaliers de veloux, les escuyers de draps de soye; el bien furent cinq cens chevaulx. Le duc de Berry dist à l’'empereur que le roy le saluoit, et que envoyés les avoit pour lui honorer et compagnier : dont l'empereur rendi moult grant mercis ; et par toutes bonnes villes où il passoit lui estoyent dons presentlés.

Quant vint à Louvres, derechief luy fu le duc de Bar en l'encontre, que le roy y ot envoyé. Lendemain, qui fu le dimanche, tiers jour de jenvier, se parti de Louvres ; et pour ce que le sage roy sçot* qu'il ne pot chevauchier.

{ Convoqua.

? Sut

luy envoya un de ses curres ‘ moult noblement aorné et atelé de quatre beauls mulés blancs et de deux courciers, et une moult noble et riche des litlieres de la royne; de quoy l’empereur fu moult joyeux, pour ce que trop lui grevoit le chevauchier ; et moult pria pour le roy et le mercia en son absence, et en ladicte litliere vint jusques à Saint Denis; là, luy furent à l'encontre les arcevesques de Rains, de Roen et Sens, et les evesques de Laon, Beaulvaiz, Paris, Noyon, Lisieux, Bayeux, Miaulx, Evreux , Touraine , et autres assez, et abbés maïint, et tous furent du conseil du roy ; li firent la reverance, et il les receupt à grant honneur; et ainssi entra à Saint Denis, ouquel mouslier falu porter à bras la liliere, pour ce qu’à pié ne povoit aler. Devant le grant autel saint Louys se fist ainssi porter ; ses oroisons faictes, fu porté jusques dedens sa chambre, et là lui fu presenté, de par l’abé, de grans poissons el quantité de toutes viandes, et tous ses vins luy furent abandonnés.

Après qu'il se fu une piece reposé , H se fist derechief porter en l’esglise de léans, et se fist porter ou tresor, en unechaycre, et vid les reliques et joyaulx, et moult y prist grant plaisance. |