BE 9 ÉD PP PE EP PE

Heu des deux, tout le chemin ouquel la sage ordonnance du roy avoit pourveu à l’'encombre de celle presse, en telle maniere: car, tout premierement , ils fist ordonner que ceulx de la ville, pour ce que trop grant quantité estoyent, demourassent dehors, lant qu'il fust entré à Paris.

Item, avoit fait crier, le jour devant, que nul ne fust si hardi d’encombrer les rues par où devoyent passer, et ne se bougeast le peuple des places que prises avoyent pour les veoir passer ; et, pour garder que ainssi fust faict, furent mis sergens par les rues, qui gardoyent le peuple d’eulx bougier de leur places tnt qu'ils fussent passés. À l'entrée de Paris descendirent à pié trente sergens d'armes , à tout leur maces d'argent et leur espées en escharpes, bien garnies et ouvrées, pristrent le travers de la rue ; et comme l’empereur eust fait dire au roy « que très qu’il‘ seroit à Paris, il ne vou-. » loit estre servi ne mes * des gens du roy, en » laquel garde il se mectoit , » le roy luy octroya; et, pour ce, ces dits sergens, pour luy faire honneur et garder de la presse, estoyent environ luy. Le roy fist convoyer devant, par le seigneur de Coucy, les gens de l’empereur, et mener au pallais; et, pour la garde et servise du corps de l’empereur, avoit le roy ordonné six de ses chambellans et quatre de ses huissiers d'armes, c’est assavoir le seigneur de La Riviere, messire Charles de Poitiers, messire Guillaume des Bordes, messire Hutin de Vermelles, messire Jehan de Berguetes, et ne sçay quel autre; et quatre pour le roy des Rommains, el deux huissiers d’armes : lesquelz chevaliers et huissiers descendirent à l’entrer à Paris , (ous à pié; et à la garde qui commise leur estoit se ordonnerent en moult belle ordonnance.'