CHAPITRE XXXVI

Ci dit la belle‘ordonnance et grant magnificence qui fu à l'entrée de Paris, à la venuo de l’empercur.

Derechief encore amenda l'ordonnance à l'entrée de la ville ; car, après les gens de l’empereur que le seigneur de Couy menoit devant, venoit la flote * des chevaliers et gentilzhommes de France, dont tant en y avoit et en si bel

* Dés qu'il.

$ Si ce n'est.

3 Multitude, foule.

arroy et monteure , que grant noblece estoit a veoir. |

Après, estoit le chancelier de France et les laiz conseilliers ‘ du roy ; puis estoyent de front, * tout à pié, les porliers et varlés de porte, vestus tout un *, bastons en leur mains ; après venoit à cheval le prevost de Paris, puis celluy des marchans ; après, le mareschal de Blanville ; après, plusieurs seigneurs , contes et barons ; et puis venoyent les escuyers du corps, comme dessus est dit; et, au plus près de l’empereur et des deux rois, avoit une rengée de chevaliers à pié, bastons en leur mains, en tel maniere que nulz ne.les povoit approchier ; après, venoyent les freres du roy, et ou mislieu d’euls deux estoit le duc de Breban, frere de l'empereur, el oncle du roy et le leur ; après, venoit l'eliseur de l’empereur, le duc de Saxonne :, le duc de Bourbon, le duc de Bar, et autres - ducs allemans : après ces barons venoyent les gens d'armes du roy à pié, qui pour garde de son corps tout temps estoyent establis, lous armés ; el, devant eulx, vingt-cinq arbalestriers serrés ensemble et espécs en leur mains, et gardoyent que la foule des gens, dont trop quantité 1l y avoit, ne-venist sus les princes ; et après, venoit si grant quantité de toutes gens, ceuls de Paris et autres, que c’estoit une grant merveille; mais, pour la belle et sage ordonnance, en peu de temps et sanz encombrier fu l’empereur et les rois au palais; dont maintes gent moult prisierent la prudence du roy, qui avoit sceu mettre en ordre une si grant quantité de gent, en tel maniere qu'il n'y avoit desroy de presse.

À la porte du palaiz furent faictes barrieres,

et à l'entrée des merceries et de la grant sale, et sergens d'armes pour les garder; et fu ordonné que, à l’entrée de la porte du palaiz, nulz chevaulx ne s’arrestassent, ains passassent tout oultre ceulx ‘qui là arriveroyent, et s’espandissent par les rues, affin que presse ne fust à l'entrée; et ainssi fu fait : parquoy, quant l’empereur et le roy arriva, il n'entra mic en la court plus de cent chevaulx; et lout

à large y entrerent lesdits princes , et ainsst ar-.

riverent droit au perron de marbre, environ

trois heures après midi; et pour ce que aisiée-

ment, pour causc de sa goulte, ne se povoit ‘ Les conseillers laïques.

* Uniformément.

+ Saxe.

LE LIVRE DES FAIS ET BONNES MEURS DU SAGE ROY CHARLES

l'empereur soustenir, le roy fit estre preste sus ledit perron une chayere ‘ couverte de drap d'or ; et là fu porté entre bras, par les susdits chevaliers qui en avoyent la garde, en ladicte chayere, et assis.