CHAPITRE XX VIII
y fu le duc de Saxonne, l'evesque de Brusebec!', le chancelier de l’empereur, el tous ses barons, excepté sou filz, qui à son pere tint compaignie, el tous les chevaliers et gens de l’empereur aussi.
Après disner , à l’eure dicte, ala privéement le roy, son chancelier avec lui, devers l’empereur ; l’empereur et le roy, assis sur deux chayeres , firent tous vuidier de la chambre, fors leur deux chanceliers , et bien l’espace de trois heures parlerent ensemble ; mais de leur paroles, ne qu’ilz ordonnerent, ne scet-on riens, fors que, en la fin de leur parlers, appellerent leur chanceliers, et à euls deviserent ; et puis se parti le roy. Et celluy jour estoit la veille de la Tiphaine* : si ala le roy oyr vespres en la Samcte Chapelle, où avyoil deux oratoires tendus : un à destre, pour le roy; l’autre à senestre, pour le filz de l’empereur; et fist le service l’arcevesque de Reins. Les nobles reliques, joyaulx , aornemens d’autelz, luminaire et toutes richeces qui là estoyent, esloit merveilles à veoir ; et tant y ot barons et chevaliers, que tous ne poyoyent tenir en la Sayncte Chappelle. Grant soupper Unt le roy, celle vueille des Roys, où tant avoit de nobleces que ce n’estoit se merveilles non, et le luminaire des cierges pendus, et torches que varlés, vestus d'un drap tenoyent, que aussi cler y faisoit comme de jour. L’assiete fu, à primier, l’evesque de Paris, l’evesque de Brusebec, conseiller de l’empereur, l’arcevesque de Reins, puis le roy, le roy de Bahaigne, Berry, Breban, Bourgongne, de Saxonne, de Bourbon, le duc Henry, celluy de Bar, et les autres princes, ducs el contes ; à l’autre dois, qui estoit au plus près de la table de marbre, furent les autres barons : el fu le souper long, et servi de lel foison de divers mes, que longue chose seroit à recorder ; et selon le rapport der hairaus , à celluy soupper furent en sale, lant du royaume de France comme d’estrangiers , bien environ mille chevaliers, sanz l'autre multitude de gentilzhommes et gens d’estat, dont si grant presse y ayoil que c’estoit merveilles ; mais en tous diz continuant la rigle ordonnée du sage roy, tel ordonnance y avoit que nulle presse n’empechoit servir aux tables, comme il appartient, ausai les derrenieres tables
* Brunswick.
3 L'Epiphanic.
* Dais.
comme les primieres. Après soupper se retray le roy, avec lui le filz de l’empereur, et tant de barons comme entrer y pot, en la chambre de parlement ; et là jouerent, selon la coustume, les menestriers de bas instrumenssi doulcement comme plus peut, et là estoyent assis les deux rois en deux haultes chayeres, où sus chascune ot ciel brodé à fleur de lis d’or. Le duc de Berry y servi le roy d’espices, el le duc de Bourgongne de vin. Après se retray le roy en sa chambre, et fist convoyer par ses freres le filz de l’empereur en sa chambre:
