CHAPITRE XX:XIX

Ci dit la solemnité qui fu, le jour de la Tiphaine, au palaiz, que l'empereur disna avec le roy.

Lendemain, jour de la Tiphaine, l’empereur volt veoir les reliques celluy jour, et estre à la messe, et en pria le roy , et que avec luy disnast ; car de ce ne l’avoit endurer à presser le roy, pour cause qu'il n’en fust grevé; et, pour obvier à si grant presse , fist le roy garder les portes par chevaliers et escuyers, pour ce

que plus fussent craint. Si alerent paisiblement

le roy et l’empereur en la Saincte Chappelle, et volt l’empereur, pour la grant devocion qu’il avoit de veoir de près les sainctes reliques estre portées, par les braset par les jambes, en hault, devant la saincte armoire, qui, à grant peine de son corps, y pol estre portée, pour cause de la vis estroicte : quant en hault furent, la saincle chace ouverte, l’empereur osla son chaperon, et. joint les mains et comme en larmes, fist son oroison longuement et à grant devocion ; et le roy lui monstra et devisa toutes les choses qui sont en la saincte chasse, que il baisa , et les autres pieces aussi; puis tourna la chace devers la chappelle, que les autres d’embas la veissent ; et volt l’empereur que sa chayere fust embas mise front à front devant les reliques , si que tousdiz les peust veoir , et ne volt estre en l'oraloire qui appareillé lui

estoit : pour laquel chose le roy fit abbaissier

ses courtines.

Le roi, à l’entrée de la messe, l’eaue benoicte et aussi le texte de l’Evvangile envoya primier à l'empereur, qui à trop grant peine vouloit prendre aulcun honneur ayant le roy : à aler à l’offrande l’empereur s'excusa, pour

1 Escalicr.

!E LIVRE DES FAIS ET BONNES MEURS DU SAGE ROY CHARLES

ce que ne povoit aler ne soy agenoullier. Si fu l'offrande du roy telle : trois de ses chambellans tenoyent haultement trois couppes belles dorées ; en l’une y avoit or, et en l’autre encens, et en l’autre mirre; et de renc aloyent; si offry le roy l'or primierement, puis l’encens, et puis le mierre ; et à chascune foiz, baisa la main de l'arcevesque de Rains, qui chantoit la messe; à la paix, deux paix furent portées par le diacreetsoubz diacre, et aussitost prist l’un comme l’autre. Après la messe, l’empereur se relrahy en un relrait, costé la chappelle, que pour celle cause le roy avoit fait ordonner. Oudit retrait envoya le roy son aisné filz, le daulphin de Vienne, que il avoit envoyé querir en son hostel de Saint Pol, et l’accompaignerent ses freres les ducs, et grant fuison chevalerie. À l'encontre du daulphin , se fist lever l’empereur de sa chayere, et osla son chapperon ; le daulphin s’inclina, etl’empereur l'embraça et baisa; et Lost après vint le roy querir l’empereur pour aler disner, et en fu l’empereur porté dans sa chayere, et le roy costé lui, qui tenoit le roy des Romains par la main, et devant esloit porté le daulphin sur colz de chevaliers, à grant honneur ; et ainsi alerent en la grant sale.