CHAPITRE XLVI

Ci dit la departie de l’empereur.

Le vendredi ensuivant, qui fu le jour Saint Mor , et le quinzieme dudit mois , ala l’'empereur à Saint Mor, et chanta l’evesque de Paris, en pontifical , la messe; puis revint disner à Beaulté. Après disner , que le roy l’estoit alé veoir, le mercia moult de ses nobles presens , et dit que trop avoit fait de lui, de son filz et des siens, que desservir ne lui pourroil : grant piece furent ensemble à grant conseil, puis revint au giste au bois.

Lendemain, qui fu leseizieme jour de jenvier, que l’empereur partir devoit pour s’en aler en s0n pays, ala le roy à Beaulté, et derechief parierent ensemble ; et par grant amistié et doulces parolles prist un rubis et un dyamant l'empereur en son doy ; et au roy les donna ; et le roy lui redonna un gros dyamant, et là,

‘ En relief.

? Sorte de coupe ou de flacon.

devant tous, s’entr'accollerent el baïsierent à grans remerciemens ; aussi à son filz. L’empereur monta en sa licliere , le roy à cheval , et chevaucha le roy, costé lui, tousjours devisant, et tous les seigneurs, prelas et barons , et grant multitude de gens avecques eulx ; ctle convoya le roy assez près de la maison de plaisance : ce que l’empereur ne vouloit, que tant venist avant ; et là pristrent congié l’un de l'autre, mais si fort plourerent qu’à peine povoyent parler ; et le roy au bois s’en retourna, et une piece le convoya le roy des Romains, puis prist congié ; el nos seigneurs les ducs convoyerent l'empereur , qui vint celle nuit à Laïigni-sus- Marne , et lendemain ala au giste à Meaulx, et jusques par delà le convoyerent noz diz seigneurs , puis congié pristrent, et s’en retournerent.

Et ainssi le roy le fist convoyer par ses princes, barons et chevaliers , tant qu’il fu hors du royaume ; et en toutes les villes où il passa, pareillement, par l'ordonnance du roy, à feste, à solemnité et presens fu receus, ainssi comme au venir avoit esté. |

Et est assavoir que depuis le jour qu'ilentra ou royaume de France, jusques au jour qu’il en sailly , tout l’estat de la despence de lui et de ses gens fu au despens du roy ; de laquel chose les choses dictes et les dons considerées, monta une très grantsomme d’or ; mais, Dieux mercis, et le grant sens du sage roy, tout fu bel et bien fourni , et largement , tout au despens du roy, sanz quelconques grief à créature.