CHAPITRE XLVII

Ci dit les juridicions que l’empereur donna au daulphin.

Pour ce que tout ensemble ne se peut mie dire, n’est pas à oublier ce que l’empereur, de son propre mouvement, fist en retificacion de l’onneur , bonne chiere et amour qu’il ot du roy receu ; pour laquel chose, en faveur du roy, son filz le daulphin de Vienne ordonna et fist son lieutenant et vicaire général ou royaume d’Arle, ledit daulphin à sa vie; dont lectres lui en fist, saelées en sael d’or , par lesquelles lui donnoit si grant et plain povoir, comme faire se povoit : ce que autrefois n’a estéaccoustumé; et semblablement le fist son lieutenant et general vicaire, par unes autres lectres , à pareil povoir , en fiefz, arriere-fiefz et tenemens quel-

conques, sanz riens exepter; el lui donna et bailla le chastel de Pompet! en Viene, elaussi un autre licu appellé Chaneault, el aussi le aagea*, et suppléa toules choses qui par enfence de aage pourroyent donner empechement pour ces graces el gouvernement obtenir audit daulphin.

Et, pour ces choses et autres faire au gré et proufflit du roy et de ses enfens, laissa son chancelier après lui, pour saeler et delivrer lesdictes lectres, lequel chancelier, au chief | de trois jours , les apporta au daulphin toutes ; sacllées, dont il mercia l'empereur; après fu , presenté de par ledit daulphin, par le commondement du roy, vingt mars de vaisselle dorée , et dedens mille frans , pour la peine que eue avoit de sa besoigne. Quant l’empereur fu hors du royaume, pluseurs contes, barons, chevaliers et seigneurs pritsrent congié de Jui ; il les remercia, et s'en retournerent.