CHAPITRE LIV

Ci dit comment le roy receut lectres desdis cardinaulx , qu'ils . avoyent laissié ledit Barthelemy,

Après, receupt le roy lectres, comment lo plustost que les cardinaulx avoyent peu estoyent partis hors de Romme, ct par scrupul de leur conscience n’avoyent fait audit Barthelemy obéissance ni reverence aulcune ; et après, tous ensemble, Ytaliens et Oultremonlains, exepté le cardinal de Saint Pere‘ qui malade estoit, contredirent le fait, et fu escript et signé de leurs mains; et depuis esludierent pluseurs cardinaulz très solemnelz, docteurs commis en ce en especial à très grant diligence, pour savoir, consideré le fait accordé, se ledit Barthelemy, par l’eleccion faicte ou par les fais ensuivis après, povoit avoir aulcun droit ou pape; lesdis commissaires et tous les cardinauls desclairans le cas à tous les prelas, maistres en théologie, docteurs en droit canon et sivil, à qui parler porent.

Enfin, concordablement en conclusion, fu de tous dererminé que ledit Berthelemy n'’estoit point pape, ainçois par occupacion de tirannie tenoit le siege : et ces choses ainssi faictes, après firent les cardinaulx leur publicacion solemnéement, comme de droit faire debvoyent ; et eulx estans en Avignon, le firent savoir aux autres six qui n'y avoyent esté, lesquels, informés par les lecires saelées du col-

‘ Saint Pierre,

liege desdis cardinauls, l'approuverent du tout entout, et firent publier en Avignon solemnéement, et deffendre que audit Barthelemy ne fust obéis, exepté le cardinal de Pempelune, qui encore y voult deliberer ; mais depuis se consenti avec les autres.