CHAPITRE LY
Ci dit comment les cardinaux esleurent pape Clement.
Depuis, lesdits cardinaulx se transporterent en cité de Fondes ‘ ; et là tous ensemble, tant Ytaliens comme autres, le vingtième jour de septembre 1378, pour proceder à l'eleccion de yray pape, esleurent justement, canoniquement et concordablement, en pape, sanz debat, difficulté ou contradiccion, un cardinal appellé messire Robert de Geneve*, et fu appellé pape Clement vi1 ; et couronné fu et consacré le derrenier jour d'octobre, veille de Tous Sains, lequel se consenti 4 ladicte eleccion, et aussi fist la royne de Naples et tous les seigneurs du pays ; mais les Rommains tindrent tousjours ledit Berthelemy pour pape :
et ces choses furent escriples et signifiées au roy de France, tant par ledit pape Clement comme par lesdits cardinaulx, en le requerant et priant qu'il voulsist adherer à ladicte eleccion, et tenir ledit pape Clement pour vray pape.
Le sage roy, qui ces nouvelles ot oyes , ne volt mie, sanz grant avis, deliberer de ceste chose ; et afin que, par bon conseil et seur, il fist ce qu’il en debvoit faire, manda et pardevant lui fist venir au bois de Vicennes, le mardi seiziesme jour de novembre l'an dessusdit, pluseurs prelas , tant arcevesques que evesques , comme abbez el autres sages clercs et maistres en théologie , docteurs en decret et lois, el pluseurs autres sages de son conseil, chevaliers et autres, auquels le roy desclara ces nouvelles, leur fist jurer sur saincles evvangiles de Dieu et par tous les seremens dont bon crestien doit estre creu, que de ce, sans faveur, diroyent leur avis de ce que leur sembloit que faire en deust; lesquels tous, singulierement et d’un accord, dirent et conseillerent, veu toutes choses, au roy, que il se declairast et determinast pour la partie du pape
Fondi, au royaume de Naples.
3 Frère du comte de Genève.
LE LIVRE DES Fais ET BONNES MEURS DU SAGE ROY CHARLES.
Clement; pour vray pape le tenist, et que plus n’actendist à ce faire, tant pour ce qu'ainssi le devoit faire, comme pour bon exemple donner aux autres princes: Si desclaira lors le roy manifestement pape Clement , et le fist signifier par tout son royaume, tant en prelas et esglises cathedrales, comme autres gens.
