CHAPITRE XXVII

Du si-ge de Roleboise ct de la prinse de Mantes.

Le siege durant, Bertrand et Guillaume de Lannoy furent à conseil par quelle voye ils pourroyent conquester Mantes, qui riche ville fut , forte et bien séant, mais moult hayoit Françoys. Si advint que une nuyt secretement partirent du siege Bertrand et Guillaume de Lannoy. Et près de Mantes ordonnerent un agait; puis se meist Guillaume de Lannoy et aultres Françoys, en estat de vignerons. Et environ soleil levant approucherent Mantes, où

1 Jean de Grailli, de la maison de Foix.

£ Bâtard.

grant vignoble siet. Ceulx de Mantes, qui penserent que c’estoient vignerons qui en la place se venissent à louer, ouvrirent les portes; et dedens la ville entra Guillaume de Lannoy, qui sur le pont fit les portiers occire. Briefvement corna l'embuche. En l'agait estoit Bertrand el le conte d’Ausserre, qui à grans gens saillirent et entrèrent en la ville en criant : « Ausserre et Guesclin.» Adonc leva le cry par la ville. |

En l'eglise de Nostre-Dame se retrahirent plusieurs bourgoys. Par avant avoient ceux de Mantes commencé à ranforcer l’eglise. Devant l'eglise vindrent Guillaume de Lannoy et ses compaignons, qui encommencerent l'assault ; mais tous s’accorderent eulx rendre à Bertrand. Là vint Bertrand, qui aux bourgoys parla et dit : « Seigneurs, se au duc de Nor- » mandie vous voulez rendre, je suis prest » de vous recepvoir, vos vies saulves.» Lors respondirent les bourgoys, qui le plus de leurs herilages avoient à Meulant, que tenoient Navarrois : « Sire, à nostreseigneur le duc de Nor- » mandie nous rendons, s'il vous plaist, mais » que‘ promettre nous vueillez faire assaillir » ceux de Meulant, car aultrement ne pour- » rait estre Mantes tenue, que de jour en jour » ne les eussions à nos portes ; el nous qui cy » sommes, serons au siege et tant yexploiterons » nos corps et nos cheyances, que nostre sei- » gneur le duc et ne vous ne nous en saurez » que demander. » Ce leur accorda Bertrand, et tous se rendirent. Lors mit Bertrand garnison à Manies, puis s’en relourna à Roleboise, et lors fit l'assault commencier grant et merveilleux. Etbriefvement fut le chastel prins, où forte tour avoit, et tous les Navarrois qui léans estoient furent mors ou prins. La nuyt coucha Bertrand dedens Roleboise, et lendemain fit le chastel raser, et puis s’en retourna à Mantes avec le conte d’Ausserre. Et briefvement firent grant appareil pour Meulant assiegier.