CHAPITRE XX VIII

De la prinse de Mculant,

Devant Meulant vint Bertrand en grant arroy et se logea en la pracrie sur Sayne, et lendemain au malin fit la ville assaillir. Là furent

‘ Pourvu que.

ceulx de Meulant en grant deffence. Mais tant durement les assaillitent Françoys de traits et de mines que plus ne povoient souffrir l’estour , ains laissérent la villes et en la tour se retrahirent plusieurs, et aulcuns sur le pont qui emparé ! estoit.

Dedens Meulant entra Bertrand, et au chastellain manda que la tour rendist, dont il fut reffusant; car forte tour y avoit et bien garnie de vivres. Adonc Bertrand fit commencer la mine pour la tour avoir ; et tant fut minée qu'elle ne fut plus soustenue que sur etayes de boys, que Bertrand fit oindre de gresse et y fit le feu bouter. Quand partie du bois fut ars , la tour commença à soy encliner d’un costé.

Adonc se rendit le chastellain et ceulx qui dedens estoient. Et briefvement fit la tour Bertrand abatre et raser, el tous les murs de la ville,

Quand ceulx qui au pont s’esloient retraits apperceurent que la tour fust rendue, ils se rendirent : le pont fit Bertrand renforcer, et gardes y mit. Adonc prindrent ceulx de Rouan congié de Bertrand, qui moult les honnora, et s’en retournerent très joieux en leurs contrées.