CHAPITRE LXII

Ci relour2e à parier encore de l’entendement des sciences.

Tout ainssy que le bien de l'entendement est le souverain des biens, car à lui tous autres obéyssent, parquoy naturellement les hommes sages soyent seigneurs des autres, et ceulx qui defaillent d’engin ‘ soyent naturellement serfs ; car mesmement ainssi nous le véons entre le corps et l’ame, que naturellement le corps sert et l'ame seigneurist*, comme nous véons les operations du corps obéir aux affeccions , lesquelles sont vertus de l'ame; ainssi comme raison seigneurist sensualité, et ainssi comme toutes les ars et science se conviennent à une souveraine, laquelle à nom sapience, ainssi est i des hommes ; comme à l’un affiere estre roy duquel l’estat soit souverain sur tous autres, aussi c’est juste chose, ainssi que recite Giles en son livre des Princes, que il soit plus sage, plus pourveu que nul de ses subgiez ; car, si qu’il donne exemple de l’archier et de la sayete, dist-il, combien que la sayette n’appercçoive le signe, il ne s’ensuit pas, pour ce, que ferir ne k puisse, car au signe est adreciée par l’archier ; dont si comme est chose plus convenable larchier percevable du signe que la sayetle ; car il est adreçant : aussi le roy, qui le peuple adrece, dit-il, plus est expedient la fin cognoistre que ne fait le peuple; car, distil, si comme l’archier qui n’apperçoit le signe, se il lc fiert, c’est chose de fortune ; aussi cil qui sa fin ne cognoist , s’il devient ben euré :, c'est chose d'aventure; pourquoy, comme il appert le bien des choses soit en leur ordre et plus en fin que en l’ordre, car fin met plus en efect que les choses premisses ; comme il appert Dieu estre: fin de tout, de qui toutes les ordres dependent, ne ne despent de nulle:

puis aussi que toutes choses sont jà mises à ordre , et en cel ordre a telle coliguence * que les unes sont subgiectes aux autres, je conclus que les choses plus sont prenables, plus reçoipvent de bien, et plus sont generales et plus ressemblent à Dieu : donques, comme telle souyeraineté, c’est assavoir majesté royal, soit aucunement , en l’ordre des estas, relative de

‘ Manquent d'esprit.

* Commande.

? Bien heureus.

‘ Enchaînement.

Dieu, de la cause primiere de qui elle est vi

caire , aussi c'est juste chose que, à l'exemple de lui, à quel similitude elle est instituée fin et chief de pluseurs, elle aussi se maintiegne et proportionnellement ses manieres ensuive :

donques, si comme Dieu influe sanx cesser ses largeces au monde, aussi et que les autres fins, soubz lui graduelement, selon leur lois, habondent en vertus et s’influent aux autres , et plus l’ensuivent et plus sont perfaictes, semblablement en son equalité roy leur doit ressembler ; et donques comme tel, en France, peut estre trouvé le bon roy Charles à son vivant, dont la lueur des bienfaiz de ses vertus encore nous en redonde. Et pour ce, comme dit l’un des sages, Solon, et ce récite Aristote ou dixieme d’Ethiques, que les solicitudes des besongnes mundaines engendrent destourbier ‘ et empechent des délices de verité, aussi et que les desirs et sensuelz deliz encombrent la raison, cestui roi Charles, pour y remedier et faire son debvoir, comme droit sage, se delctoit, si comme il est cy devant prouvé et dit, en famille telle est si constant que pour lui peust à la foiz vacquier et suppléer ses foiz, et aussi que le repparast et esmeust en bien ; car son sens le faisoit certain que, par gent suivre desordonnée , devient homme en bestialité ; et yceulx bons bien savoit merir*, selon leur degré, comme dit est. et user de l’entendement et du bien d’un chascun comme du sien, ainssi que Dieu fait des substances mundaines, par lesquelles il œuvre et monstre ses merveilles.