TROISIÈME PARTTE, — CHAPITRE LY

avoir ; et, par ce que je puis comprendre de ses conclusions, la vertu des sens bien disposés avec le desir peuent estre les prehensions de acquerir sçavoir , sans lesquelz ne pourroyent estre acquis ; el ceste mesmes proposicion, par signe, Aristote preuve : «Car, disoit-il, comme » les sens à ce nous soyent faiz, c'est assavoir » à l’utilité de vivre, doublement, dist-il, sont » ilz de nous amés pour euls mesmes , en tant » comme ils font cognoistre ; et pour vivre, en » tant que ilz ecevent pourchacier et aussi dis- » cerner ce qui est bon du mal : et ce nous » appert, dist-il; car, si comme cellui sens » qui est faicte par les yeuls, c'est assavoir le

» veoir, entre tous les autres sens, nous l’amons

» et cherissons le plus, et non pas seulement » pour ouvyrer, mais aussi que se riens ne de-

» vions faire ; et la cause si est, car, entre » tous les autres sens, le veoir nous fait très » grandement cognoistre et pluseurs differances

nous demonstre des choses.» Parquoy , com-

me 11 soit manifeste que le veoir ait deux propres dignetez plus que les autres : l’une, car perfectement cognoist , car il est spirituel plus que nesun* des autres ; car si comme des vertus qui sont cognoïiscitives, une chascune moins est materielle, plus a perfaicte cognoiscence, si comme le veoir, de tous les sens, soit le moins materiel, faquelle chose appert par le remue- ‘ment de lui vers son object, c’est à dire vers la chose dont est percevable. La deuxiesme, car Plaseurs differences des choses nous demonstre comme en l’obgect de chascune poissance soit à considerer aucune chose en raison de nature ; denques, comme son object soit lamiere qui s'estent à son environ, ès corps celestielz et aux bas ait poissance de veoir , il s'ensuit que le veoir soit demonstratif plus que nul des aures sens ; car la vertu des autres s’estent seulement aux choses basses, et cestui, par da vertu de lumiere, cognoist mesmes les subslances du ciel. ;