CHAPITRE LXIX

Ci commence à parler de l’approchement de la fin du roy Charles, et de ja mort de messire Bertram.

Ainssi comme clerement est sceu et cogneu toutes choses creées avoir fin, car à ce se trayent ycelles, en aprestant la fin de nostre presente œuvre, dirons du dernier terme d’iccllui sage, ouquel avons pris la matiere et contenu de ce hvre, et tout ainssi que dit le commun proverbe : « En la fin peut-on cognoistre la per- » feccion de la chose, » poyons vrayement, à la fin de nostre dit sage roy, cognoistre la perfeccion de ses très préeleues vertus et sapience : de laquel fin moult me plaist ce que memoire me rapporte, sanz dongier‘ d'autre informacion, la relacion que j’en oys de mondit pere naturel, auquelles parolles, cognoiïsçant son excellence en toute vertu, je adjouste foy comme à parole veritable dicte de preudomme, lequel très amé serviteur et clerc excellent, gradué et doclorisié à Boulongne Ka Grace en la saincte medicine, avecques autres degrés de sciences, fu continuelement present en la maladie dudit prmee, jusques à la fin; et ceste verité par assez de gens encore vivans peut estre sceue.

Peu de temps ayant le trespassement dudit

roy, tout ainssi comme ayant la mort du preux Alixandre, mourut son bon cheval Bucifal*, qui ou monde pareil n’avoit, comme dit l'islire, qui fu noté merveilleux presage de la bnefve vie de son maïstre, si comme il advint.

Ainssi le bon conestable Bertram de Clequin, lequel estoit des faiz de la chevalerie dudit roy, trespassa pou avant, qui fu le vendredy quatorziesme jour de juillet, ce mesme an; de lquel mort moult pesa au sage roy, et en tousdizrecompensant, comme non ingrat, la bonté, &ærvice et loyaulté d’icellui conestable, en honorant le corps de si solemnel chevalier, et Pensant de l’ame comme raison estoit, volt qu’il fust enterré en haulte tombe, à grant s0lemnité, honneur et recommandacion, ou pro- Pre lieu où sont enterrés à Saint Denis les roys de France , et mesmement en la chappelle que Pour luy avoit faire au pié de la tumbe , où en Peu de lemps après fu ensevelis : laquelle mort dudit sonnestable fu plainte et plourée de Maint vaillant, et communement de tout Le

* Sans avoir besoin.

* Bucéphale.

royaume, lequel faisoit perte de très vaillant champion et deffendeur de lui très propice. Si fu la mort de lui très virtueux comme presage de trespassement de son très excellent maistre.