Chy cessa la papalité un an et 6 mois

302. Item. Marcellus , pape , estably que lais ne peussent accuser evesques.

303. Item. Après Dyoclecien et Maximien, Constantin fut etregna empereur 42°.

310. Eusebius fut pape. Cestuy estably l’enffant baptisiet estre enoinct du saint cresme, et corpus Domini estre sacré sur luy. En son temps fut trouvée la sainte croix de Nostre-Seigneur.

317. Item. Melchiades, pape, estably que par dimence ne par joedi ne doibt nuls juner, car les Sarrasins junent adonc.

391. Ztem. La sainte croix trouvée, pape Silvestre, qui baptisa le grant Constantin, estably le cresme estre enoint par evesques.

395, Item. Constantin empereur morut premier empereur de Constantinoble, qui puis Julius Cesar avoient esté 35 empereurs à Rome jusques à la mort dudit Constantin, et 24 papes après Jhesu-Crist, quand Silvestre morut.

331, Chy fut fait le premier concille de Nicé, qui fut premier fait de trois cens evesques.

333. En Alixandrie fut Arrus l’heresiacque qui causa maint mal.

333. En ce tamps trespassa le glorieux et parfait hermite monseigneur saint Anthoine.

340. Constance, fils de Constantin, fut empereur de Rome et de Constantinoble second.

342. Chy furent saint Andrieu et saint Luc appostoles de Dieu en Constantinoble à grant honneur.