Chy fut le bon Marchs, fait pape de Rome

348. Item. Jullius Appo, pape de Rome, estably que nul clercq ne fesist ne ne fist faire terrienne labeur. Yceluy entra en mer pour trouver le corps saint Clement.

851. En ce tamps fut saint Hilaire evesque de Poitiers, et fait Maximien evesque de Treves.

353. Julyen l'empereur qui moisne et crestien avoit esté, devint appostat et payen , et commanda que juifs fussent manans et habitans en Jherusalem, et par toutes terres fesissent leur signagoge ; mais une nuit, quant ils eurent tout apparilliet, vint ung tourbillon qui tout despiecha, et jetta loing tout quan-ques ils orent appareilliet ; et setrouverent tous croisiés; par quoy moult de eux furent crestiens. En ce tamps furent ars et brulés les os de saint Jehan-Baptiste.

360. Constans, empereur de Constantinoble, morut, el Julyen le renoyet fut empereur troisiesme.

361. Après que Julyen fut tué en bataille par punicion divine, d’ung chevalier nommé Mercure, et que Jehan et Polus furent martirisiés, et Thiberius, pape, Joviens empereur fut crestien et fit baptisier toulte sa gent.

365. Valencianus, après la mort de Joviens, 4° empereur de Constantinoble, fut mis au siege imperial.