TROISIÈME PARTIE. — CHRONIQUE GÉNÈRALE
Meuze et conquist grant terre environ; et quant
il eult régné xxj ans, il morut.
Et adont couronnerent les Frans Clodio son fils en l'an de grace iijc et xxjx. Cestui
Clodio faisoit ses cheveux treschier, pour quoy
il fut appellés Clodio aux longs crings, et aucuns l’appelloient Clodio -le-Chevelu. Céluy Clodio menales Frans à l'encontre desCorins qui repairoient en ung chastel qu’on appelloit Dispergo. Et après ce passa le Rin et ochit moult de Romains, et conquisl terre au pays. Puis après ïl passa la forest de Carbonieres , qui est
appellée maintenant Mour-mault. Sy print Tour-
nay et Cambray, et conquist en peu de tamps jusqu'à la rivière de Somme, et encacha: tous les Romains quy y estoient de par l'empereur. Et quant le roy Clodio eult regné xx ans, il
morut.
Adont les Frans firent un sien cousin, qui avoit nom Merowé, roy de France, lequel ré-
gna l’espasse de x ans.
Et après que Merovus fut mort, Childeric,
son fils, fut roy des Frans. Cestuy Childeric fut si mal entechié que les Frans le banirent et vorrent ochire, mais il s’en fuy vers le roy Bi-
sim de Carinthe.
Puis après ce, les Frans esleurent et firent
leur roy d’un appellé Gillon, le quel estoit romain; mais ce Gillon oppressa les François
par l’enorlement et conseil de Vionadus ou
Guidomer, qui moult avoit esté privé de Cilderic. Par quoy les Franchois se comenchèrent à plaindre ; et Vionadus leur dit : « Sei- » gneurs, c’est à bon droit, car vous aviez roy » des vostres, et vous le avez cachict. et avez » prins ung estrange. Comment! cuidiez-vous » qu'il vous doibve plus amer que les vostres ? » Nennin! » Et tant leur dit et remonstra Vionadus que les Franchois s’acorderent qu’on remandast Childeric , lequel revint volentiers. Sy desconfit le roy Gillon et recouvyra son règne par l’ayde des Franchois. La femme du roy Bisim qu'il avoit euc de folle amour et fort amée, en ce lemps qu'il estoit fuis de France et demouroit en sa terre, vint après luy en France. Sy l’espousa Childeric et en eult ung fils qui eult en nom Clovis. Cestuy Childeric régna xxiiij ans.
SL. 85. — Du roy Clovis, premier orestien des roys de France. Après la mort du roy ru Clovis, son
1 Chassa.
RS 0 << mme
fils, fut couronné roy des Franchois en l'an de grace quatre cens quatre-vingt-trois. Cestuy Clovis fut moult sage et fort vigoreux. Il vainquist Siagre, le fs Gllon le romain, et celuy Syagre s'en fuy à Alery, roys des Gotois; lequel roy Alery le renyoia pui au roy Clovis, le quel luy fist la tesle trenchier.
Et après ces choses, print le roy Clovis une dame à femme nommée Clotilde, fille du roy de Bourgongne, appellé Gondebaus, qui avoit esté ochit de son frère pour avoir le royalme. Ceste dame fut bonne dame et créoit bien en Nostre-Seigneur Jhésu-Crist. À chief de temps, elle eult ung fils du roy Clovis. Sy le fit baptisier; et l'enfant morut en aubet ; de quoy le roy ful moult courchiés, et dit que ce fut pour ce qu'il avoit rechut baptesme. Mais la royne luy dit : « Swe, je rens graces à Dieu quant il » luy a pleut daingnier prendre et rechepvoir » le premier fruit de mon ventre. » Et en eult la royne ung aultre fils. Sy le fit baptisier et eult nom Clodemer.
- La royne preschoit et amonestoit moult sonvent au roy Clovis, son mary, qu'il vosist réchevoir le saint baptesme et tenir la loy crestyenne ; mais il n’y voloit entendre. Sy avint au darain, quelle roy Clovis alla conquerre atout grant ost contre les Allemans ; mais les Allemans luy ochirent grant quantité de ses gens. Et adont luy dit ung de ses chevaliers qui ayoit nom Aurelyen : « Sire, croy au Dieu que » la royne te presche et tu aras victoire. »
Adont leva le roy Cloyis ses mains et ses yeuls vers le chiel et dit : « Sire Dieu, de quy la » royne me presche, quy estes fils de Dieu, sy » comme elle me dut, et qui aidiez tous ceuix » qui ont fiance en vous, je requier vostre aïde, » et promès que je croiray en vous, et seray en » vostre nom baptisiés. » Et quant il eult ce dit, il enorta ses gens de bien faire, puis courut sur ses ennemis si vigorcusement qu'ils coururent en fuitte. Et en celle cache fut leur roy ochis. Sy firent puis les Allemans paix au roy, et luy rendirent tribu.
Le roy Clovis avant sa conversion avoit régné quinze ans. Et quant il fut revenus en France, il conta à la royne Clotilde sa femme toutes ses adventures; la quelle en fut moull joieuse ; sÿ envoya querre saint Remy, qui adont estoit arcevesque de Raïms; le quel Laptisa Île roy à grant solempnité en l’église de Raïms, où il l ‘mena,
LU. 36. — Comment saint Remy baplisa le roy Clovis, et comment à son baptesme la sainte ampolle pleine de divin cresme fut apportée à son baptisement.
Ainsy comme saint Remy baptisoit le roy
Clovis moult reverentement , le clerq qui le cresme apportoit ne peult advenir aux fons, pour la presse qui moult y estoit grande. Dont pria saintRemy à Nostre-Seigneur qu'il luy aidast. Et tantost vintung blanc coulon avant le moustier qui portoit une ampolle ou fiolle de vairre en son bec. Sy s’approcha de l’arche- Yesque qui print l'ampolle , et trouva ens une -onction, souef flaant sy merveilleusement que {ous ceulx qui là esloient s’en esmerveillerent. Dont fut baptisiéle roy et enoinct de celle sainte et divine onclion; et est celle sainte ampolle encore à Rains en l’abbaye de Saint-Remy.
Après ce saint baptisement, le roy Clovis alla atout son ost sur Alery, roi des Gotois, qui se tenoit à Poitiers ; et eurent bataille ensemble au Champ-Voglant, sur ung fleuve qu’on appèlle Clyn , à dix lieues de Poitiers. Si füt le roy Alery ochis, et son fils s’enfuy avec le remanant de leurs gens. Le roy Clovis print loutle Auvergne que les Gotois ayoient tenue. Sy print Toulouse, Engoulesme, Saintes et Bordeaux. Et puis après ces prinses et conquestes, comme vous avez oy, le roy s’en retourna par Tours. Et là luy vinrent les messagers de l’empereur Anaslase, qui luy apporterent ung daumaticle , et luy mirent une couronne d’or au chief. Et après ce, Clovis s’en retourna en France, et estably le chief de son règne en la cité de Paris.
H. 37. — Comment le roy Clovis eult guerre au seigneur de Cambray qui avoitnom Rancairc.
Ung peu après que le roy Clovis fut revenu en Paris, ung discord s’esmeut entre luy et Rancaire , le seigneur de Cambray. Sy eurent plusieurs batailles ensamble, au grant domage de l’une partye et de l’autre. Et en la fin fut Rancaire lray par ses propres hommes; et l’envoiérent , luy et son frère Richier, au roy Clovis, qui de sa propre main les tua tous deux, Et depuis fitil ochire Remery son aultre frère, et tous ceulx qu’il peult trouver de leur lignage,
Et quant le roy Clovis eult regné en grande auctorité et majorité l'espasse de trente ans,
il morut. Et fut ensevely en l’eglise Saint-Pière, |
CHRONIQUES DE FLANDRES
à Paris, qu’on nomme maintenant Sainte Geneviève.
Et de luy demourerent quatre fils : Clotaire, Clodemer, Chiidebert et Thierry. Si partirent le règne en quatre parts. Clotaire eult le règne de Soissons, Clodemer eult celuy d'Orliens, Childebert eult le règne de Paris, et Thierry eult celuy de Rains. Et ce fut fail en l'an de l’Incarnacion cinq cens et treize ans.
En ce lamps morut saint Legier, évesque de Tournay, saint Amant et saint Bertin.
Clotaire et ses frères eurent maints discords ensamble; et cachèrent Clotaire hors de Paris. Mais au darain vint Clotaire au dessus d’eux et regna en Franche. Et quant il eut regné cinquante et un ans, il morut d’une fièvre, et Jui print en la forest de Couchy, au cachier*. Sy fut ensevely à Saint-Marc à Soissons. Et la royne Clotilde, leur mère, fut ensevelie à Saint- Pierre, à Paris, dalès, son mary, le roy Clovis.
Clotaire eult quatre fils qui tinrent le règne après luy en tele manicre : Karobert ou Theodobert ou Aubert tint Paris ; Gontrans tint Orliens , Chilperic tint Soissons ; et Sigibert tint Rains.
Tantost après la mort du roy Clotaire, les
-Hons yssirent de leur pays et entrerent cn la
terre de Sigibert, mais Sigibert les desconfil et en ochit moult grant plenté. Et endementiers que se faisoit ceste guerre, Chilperic entra à grant ost en Champaigne, la terre de son frère, en esperance de la conquester. Et quant Sigibert, son frere, le sceult, il se hasta de retourner; et vint à Soissons où il trouva Theodebert, le fils du roy Chilperic son frere. Sy le print et l’envoia en prison à Pontonville où il le tint ung an. Et se combaty Sigibert à Chilperic, son frere, el le vaincquit. Puis firent paix ensamble , et s’en allerent à Paris Sigibert et Chilpéric avoec Damietle sa femme, qui estoit enchainte , laquelle en celle voie se delivra d'une fille.
La dame avoit une chambriere substile et malicieuse qui avoit nom Frigonde. Et quant la royne fut ajutte , elle pourcacha tant par sa malice , que la royne mesmes leva l'enffant , et en fut commere au roy son mary. El quant le roy Chilperic fut revenu, elil sceult la chose, il en fut sy courchiés qu'il fit la royne et sa fille rendre en une abbaye, puis envoia l’evesque
‘A la chasse,
