TROISIÈME PARTIE. = CHRONIQUE GÉNÉRALE

en exil pour sa negligence. Et après ce il espousa Frégonde, qui ceste cautelle avoit trouvée entre le roy, à qui elle tendoit, et la royne sa maistresse qui par luy estoit expulcée.

d. 59. — Le regne du roy Chilperic.

Après ces choses, le roy Chilperic envoia Theodebert son fils, que Sigibert avoit delivré de prison, oultre le fleuve de Loire, et fit grant gast à Tours, à Poitiers, à Limoges et par tout le pays de Sigibert ; il n’espargna eglises, abbayes, prestres ou clercqs, que tout ne mesist à destruction. Mais en la fin, Sigibert assambla grant ost, et se combaty à Theodebert , et l’ochit et desconfit ses gens. Et quant le roy Chilperic sceult ceste mes-çance, il s'en fuy atout sa femme et ses enflans vers Tournay.

H. 39.— Comment ceulx de Tournay rechurent le roy Chilperic pour la guerre de Sigibert son frere, et comment la royne fit Sigibert ochire.

Cheux de la cité de Tournay rechurent le roy Chilperic volentiers en la cité, par l'enortement de l’évesque de Tournay. Et Sigibert son frere saisy entandis Paris et toute la terre. Et puis se meuilt pour sievir le roy Chilperic vers Tournay; et vint jusques à Vitry en Pertois. Et quant Frégonde sceult que Sigibert venoit pour assiegier Tournay, elle parla à deux hardis sergans qui estoient privés de luy, et leur promist tant qu’ils eurent en couvent d’ochire le roy Sigibert. Et adont se partirent les deux sergans hors de Tournay, et vindrent où Sigibert estoit ; puis firent semblant de parler & luy de conseil. Se le menerent à une part, et puis le férirent de leurs cousteaux parmy le corps, et l'ochirent droit là. Mais les gens Sigibert saillirent avant et ochyrent les deux sergans.

La nouvelleté de la mort Sigibert fut tost sceu dedens Tournay. Et quant Chilperic le sceult , il alla tantost celle part. Et fit Sigibert, son frere, ensevelir moult honourablement à Lambre, et le fit porter à Soisson et enterrer

à Saint-Marc, dalès Chotaire son pere. Sy tint Chilperic seul le regne.

Chilperic eult ung ffls qui eult nom Merovée. Celui fitil moisne en l’abbaye du Mans, pource qu'il avoit fait mariage à Brunehault, femme du roy Sigibert, son oncle. Celle Bru-

nehault faisoit tenir le roy Chiperic prisonnier ! 4 Austrasie.

en Rouen. Mais le roy Chilperic avoit encore, sans son fils Mérovée, plusieurs aultres enffans.

EX. 40. — Comment le roy Chilperic donna la seigneurie de Tournay à l'evesque du lieu.

Quant le roy Chilperic se party de Tournay sy comme vous avez oy cy dessus, il donna à l’evesque la seigneurie de la cité, la quelle les citoiens tiennent à present ; et se luy donna la monnoye, les changes , les molins et la riviere de l’Escault, l’omage du chastelain et de l’advoel, avecques moult d'aultres droitures. Sy en fit l’evesque homage au roy; et en doibt le roy servir à dix chevaliers quant il va en ost.

En ce point fit le roy Chilperic, pluseurs griefves assises par toute sa terre ; de quoy il fut moult hays. Il eult puis ung fils qui fut appellé Clotaire.

H. 41. — Comment la royne Fregonde fit murdier le roy Chfperic son mary pour sa ribaudise.

Une espasse après, devoit le roy Chilperic aller cachier. Et ainchois qu'il montast à cheval pour y aller, il entra en sa chambre. Sy trouva la royne Frigonde lavant son chicf. Sy la féry petitement d'un batonciel qu’il tenoit dessus son dos. Fregonde aimoit de folle amour ung chevallier qui avoit nom Landry. Si cuida que ce fust-il, pour ce qu’elle cuidoit que le roy s’en fust allé. Sy dit : «Qu'’esse, Landry ?. » estes-vous jà chy ? » Et puis tourna son chief ariere , et vid que c’esloit le roy. Sy en fut toute esbahye. Mais le roy n’en fit nul semblant, ains s’en alla cachier au bois. La royne manda legierement Landry. Seluiconta en plourant ceste aventure. Et chil luy dit qu’il n’y sçavôit mettre conseil. Adont luy dit Frigonde : « Le roy » revendra tard à la nuit de cachier , et vous » envoierez aucun privéement qui l’ochira ; et » on cuidera que Childebert d’Austrie! J’ait fait » ochire, pour ce qu'ils ont grant content en- » semble. » À ce conseil s’accorda Landry. Sy se pourvéy d’un varlet pour ce faire ; et quant le roy revint le soir de cachier, le varlet fut apparilliet, qui le fery d'ung coustel parmy le corps et l’ochit. Puis commencha le varlet à cryer : « Tray! tray! Childebert a fait ochire le » roy. » Et ceulx qui furent avec la court sal-

“ “ ed,

lirent avant, mais nens ne trouverent. La reyne en fit grand doeul par semblant, et crioit et tordoit les mains comme femme desespérée qu’elle sembloit. Et ainsy se maintint par son couvert malice, pour mieulx abuser les gens de sa court, el conséquamment tous les aultres.

Le roy Chilperic fut ensevely , et puis après mis en sepulcre en l’eglise de Saint-Vincent, à Paris, qu’on appelle maintenant Saint-Gerfnain-des-Prés. Il avoit regné 24 ans. Les François couronnerent Clotaire . son fils, qui r’avoit que trois mois.

M 42, — Comment le roy Childebert volut vengier la mort du

-rex Chilperic son oncle, et fit faire granit andement pour s0y trouver à Soisson..

Après ces choses, le roy Childebert Austrien éntendy que Ie roy Chilperic, son oncle, avoit ésté meurdry par la malice de Frigonde sa femme , sy fit grant semonse et vmt à Soisson. Et quant les nouvelles en furent venues jusques à Soisson, Frigonde et Landry assemblerent ce qu ils peurent avoir de gens et vindrent à Braine. Mais elle sceult par ses espyes que Childebert avoit plus de gens qu’elle n’avoit. Sy fit une nuit armer toutes ses gens pour

aller-contre ses ennemis ; et fit ceulx qui.de-

vant alloient porter grant plenté de lanternes et grandes chandoilles dedens allumées. El sy portoient raincheaux de bois, et avoient clocques pendans à leurs cols de leurs chevaulx,

H. 43. — Comment la royne Frigonde ordonna sa bataille par , nait, dont par ce malice desconfitke roy Childebert.

Quant le jour approcha et que les eschauguettes de l’ast du roy Childehert oyrent les clocqueltes sonner et virent les arbres par les lumieres des lanternes, ils s'esmerveilloient

que ce pooit estre. Sy disoient les ungs aux

aultres : « Je ne cuidois més que celle part eu-

» sist nuls bois. » Et les aultres respondoient : « Tu ne sais que tu dis jà, n’os tu point les.

» cloquettes des besles qui y paissent? »: Et awsy qu'ilst se démentoient de ees choses le jour apparut; et les gens Frigonde qui moult

avoient jà approchié l’ost, jelterent jus les

rainceaux et les lanternes qu'ils portoient. Sy

Ici se trouve dans le manuscrit une transposition et'un renvoi qui prouvent que ce n’est pas un original, mais une copie d’un .autre manuscrit. P’autres preuves assez nombreuses tirées des manuscrits mêmes peuvent être données à l'appui de cette opinion.

CHRONIQUES PE FLANDPES. |

férirent en l’ost du roy Childebert et en ochirent grant plenté ‘. et le remanant s’en fuy, car ils les trouvèrent despiourteus el endormis,

ainsy comme ceulx qui garde ne s’en don- noient. Ung peu après ces choses morut Fri-

gonde ; et fut ensevelye en l’eglise Saint-Vin-

‘cent, à Paris. Sy regna Clotaire, fils du roy

Chilperie et de la dite Frigonde tout seul roy. Et s’estendy son regne du Rin jusques au Rosne, et du Rosne jusques à la rimere do Loire, et de Loire jusques à la mer de Bre-

ibnes

H. 44. — La mort de la royne Brunebault, aultrement ditte Brunicilde selon aucunes croniques, et ayoec ce de plusieurs . toys de France,

Après ces avenues cy-dessus recilées, .e roy Clotaire s’en alla en Bourgongne et manda la reyne Brunicilde ou Brunehault, qui avoit esté femme du roy Sigibert son oncle. Et pour ce qu’elle avoit fait trop de maulx , sy comme de faire ochire l’un frère l’aultre, d’emprisonner et faire mourir plusieurs personnes de la réalle lingnie, et ossy pour-ce qu’elle prist Merovée à mary, dont son mary avoit esté oncle, il la fit mettre en ung benel° et fouetter par tout son ost, et puis lui fit les membre detraire à force. chevaulx, puis fit le corps ardoir et venter la poudre au vent,

Adont avoit Clotaire regné 21 ans. Il eult ung fils qui fut appelé Dagobert. Celuy fut envoié de son pere, le roy Clotaire, contre les Sesves. Le quel en besongna par tel maniere qu'il n’en laissa au pays homme ne femme qu’il fust plus long que.une espée qu’on portoit. Adont une maladie print au roy Clotaire, dont il morut après qu'il eust regné 45 ans.

Et fut ensepulturé en l’eglise Saint-Vincent , à Paris. Et après luy regna son fils Dagobert.

Et celuy Dagobert eult deux fils, l’un nommé Sigibert et l’autre Clovis.

Et Dagobert regna 32 ans, puis morut. Et fut mis en sepullure en l’eglise de Saint-Denis, à deux lieues de Paris, la quel eglise il avoit noblement et très-richement atournée et aournée, et mis en l’abbaye grant plenté de moisnes. Cestuy fut appelé et nommé Dagobert-legrant. Il eult une sœur , fille de Clotaire son pere, qui eult à nom Blicant, et celle fut donnée

4 Fin de:la ile # Tombereau.