TROISIÈME PARTIE. — CHRONIQUE GÉNÉRALE

terre de Saragosse, il envoia Gucnnelon au roy Marcilles et au roy Baligans, et leur manda qu'ils venissent pour recepyoir baptesme. Ce Guennelon estoit ung vaillant et très fort hardy chevallier , et avoit à femme la suer du roy Charlemaine qui fut mere de Rolant. Et quand il vint en Saragosse el qu'il eult conté son message , Marcilles et Baligans qui n’avoient talent: d’estre creslyens , parlerent, blasonnerent et promirent tant à Guennelon qu'ils le corrompirent et firent ployer. Et leur eull en couvent qu'il appaiseroit le roy de sa venue, et qu'il ly feroit passer les pors* pour retourner en France. Et avoec ce dit au roy Marcilles el à Baligans, que s'ils voloient frapper sus l’ariere garde du roy Charles, il trouveroit bien et emeteroitt el conseil sur ce, qu'ils n’aroient point de secours ne d’ayde de ceulx de l’ost. Ceste chose fit Guennelon pour ce qu'il avoit grant hayne sur Rolant, car le roy Charles luy avoit donné sa suer quant le conte Mille d'Angiers fut mort, le pere Rolant, contre la volenté Rolant. Et pour ce monta grant hayne entre Guennelon et Rolant. Et Guecnnelon sçavoit bien que Rolant debvoit faire l’ariere garde.

Comment Guennelon retourna à Charlemaine.

Quant Guennelon fut retourné vers le roy, iluy dit qu'il passast les pors et passages seurement et que le roÿ Marcilles et Baligans apparilloient leur oire* pour le sievir, et qu'ils le ralaindroient ains qu’il fust venus en France. Charlemaine, qui cuida bien qu’il luy desist verilé, apparilla son oire et passa les pors.

Rolant el les douze pers de France firent l’ariere garde atout plenté de gens. Et ainsi qu'ils eurent une pieche chevauchiet, Marcilles et Baligans qui estoient pourvus, dès l’eure queGuennelon s’estoit party d’eux, et avoient raloiet et rassemblet tous les Sarasins qui estoient eschappés des batailles qu’ils avoient eu contre Charlemaine, quant ils virent leur point, ils envoierent une partye de leurs gens pour envayr l'ariere garde. El quant Rolant et les siens virent venir 8y grant quantité de Sarasins sur eulx , bien penserent qu'ils estoient trays; car pluseurs sçavoient bien la hayne qui estoit entre Rolant et Guennelon.

Adont ordonna Rolant ses batailles selon ce

Volonté.

3 Passages des Pyrénées.

3 Erre, roule, grand chemin, du latin errare.

qu'il avoit de gens. Olivier luy dit qu'il sonnast son cor, car le roy n’estoit pas sy loing que bien ne le peusist oyr, et que s’il sçavoit le meschief et le besoing, il secourroil tost nous et nostre gens'. EtRolantluy respondit:qu’ilnesonneroit ne ne corneroit devant ce qu'il en aroit mestier ; car honte luy sembleroil s’il requeroit ayde devant qu'il aroit assayet la force de ses ennemis.

H. 56. — De la bataille de Rainchevaux et de la mort des

pers de France.

Quant les Sarasins furent si approchiés qu’A n’y eult fors de couchier et mettre lanches en arest, Rolant et les siens ferirent des esperons. A l’assembler y euit grant noise et moult grant bruit des cors et des buisines*. Moult le firent bien Rolant et Gondrebeux le roy de Frise, Olivier et Turpin l’arcevesque. Et rnoult y eult à celle premiere empainte de Sarasins mors et navyrés ; et au darrain tournerent les Sarasins le dos ; mais ainchois y euit moult de crestyens mors et navrés. Et quant Marcilles vit la premiere eschelle desconfitte, il se ferit en la bataille atout le remanant de ses gens, dont en ÿ eult sy grant plenté que à paine les crestyens les pooient soustenir. Et adont recommencha la bataille grande et perilleuse et moult horrible ; mais moult fut grant le meschief aux crestyens, car ils avoient perdu moult grant partye de leur milleurs compaignons ; et les auitres estoient durement lassés et pileusement playés,

De rechief le comte Olivier requist à Rolant pluseurs fois qu'il sonnast son cor ; maïs il ne voloit. Et en la fin, après ce qu'il eult ochit moult grande multitude de Sarasins, 1l leur meschey durement, car ils perdirent Olivier, qui moult estoit bon et vaillantchevallier, Yno et Yvoire, Hauston, Berengier, Engillier, Ernault de Belande, Aubery le Bourguignon; Constantin, Salomon de Bretaingne , Hoel de Nantes, le roy Arestain, le prevost de Rouen, Joffrey l’Angevin, et tant des aultres que mouit fut leremanant petit. Bauduin, le frere Rolant, s’en fuy au bois à peu de compaignée, comme chil qui moult estoit josne. Rolant demoura en l'estour * comme vaillant chevalier ; et faisoit grande ochision de Sarasins. Il ochit Marcilles et moult d'’aultres. Et en la fin, quant il vid qu’il

t On voit que le chroniqueur traduit ici on abrégé soit un chant national, soit quelque chronique latine, et qu'en supprimant le discours direct de l’un des 1n+

terlocuteurs, il oublie de rectifier la phrase, ? Trompettes, — 5% Combat.

644 | eult tout perdu de ses compaignons, il sonna son cor.

Charles , qui encore n'’avoit passet les pors, l'oyt; sy dit : « J'oy le cor Rolant ; sachiez qu'il a besoing ; relournons à cop. » Guennelon se tray avant et dit: que Rolant ne pooit avoir nul besoing, car il sçavoit bien que Marcilles et Baligans ne luy greveroient mye, ains s’apparilloient pour recepyoir baptesme. Tant dit le faulx Guennelon, que le roy passa les pors et se logea en ung lieu qu’on appelle le Val Charlon.

Rolant quy demourés estoit en bataille à peu de compaignons, faisoit les rens de ses ennemis fremir, sy que. nul ne duroit contre ses cops. Les payens qui ce virent, se retrairent ariere, car bien sceurent que peu y avoit de crestyens demourés qu'ils ne fussent ochis. Et eulx mesmes estoient très fort lassés, et avoient perdu la plus grant partye de leurs gens.

Rolant les encacha: tant, qu’en la fin ne demoura avoec luy crestien qu'il ne fut ochis ; et luy mesmes estoit moult durement lassés et blechiés, et son cheval navrés en pluseurs lieux. Et quant il vit qu’il ne poroit plus sievir ses ennemis, il s’aresta dessoubs ung arbre, et prit son cor, et le sonna sy roidement qu'il en rompy aucunes de ses veines. Bauduin son frere qui estoit au bois oytle cor, sy vint là courant. Et quant il fut là venu, Rolant luy dit qu'il querust de l'eauc, car il moroit de soif. Et adont s’en alla Bauduin, mais il ne peull trouver ne rieu* ne fontaine ; et revint sn ce point vers Rolant. Thierry son escuyer, qui avoit oyt la voix du cornet, sy trouva Rolant en tel point que à paine pooit-il parler; et Bauduin estoit venu, qui n'avoit point trouvé d’eaue ; sy demourerent là, tant que l'ame party du corps Rolant.

Ils prinrent Durendal son espée, et son cor, et puis s’en allerent au plus tost qu'ils peurent vers l’ost Charlemaine. Bien avoient oy dire à pluseurs Sarasins, ainsi comme par reproche, que Guennelon le messagier les avoit trays. Et quant ils furent venus à Charlemaine , ils luy conterent les dolereuses nouvelles, et comment Gucnnelon les avoit trays. Adont n’'eult au roy que courrouchier. Sy fit tantost prendre Guennelon et bien garder ; et puis fit tout lost armer et monter. Sy retourna le roy à Rainchevaulx où la bataille avoit esté. Et quant il

{ Chassa.

2 Ruisseau,

CHRONIQUES DE FLANDRES

vid Rolant son nepveu ct les aultres preud’hommes qui gisoient mors droit là sur la terre, il en eult sy grant doeul qu'il chéy pamés jus de son cheval.

Là y eult grant doel demené, car chascun plaindoit son amy. Et quant le roy eult une pieche demené grant doel, il ne veult plus atargier, ains chevaucha vérs les Sarasins qui retrais s’estoicnt sur une riviere pour eulx raffreschir et les navrés alourner, car là cuidotent estre bien asseurés. Mais quant ils virent le roy venir à tout son ost, ils furent moult esbahis et coururent aux armes legierement.

Vigoureusement, cauldement, hardiment et moult asprement les Franchois se ferirent en eulx par moult grant ire, et les comencherent à ochire à destre et à senestre. Les Sarasins se defendirent au mieulx qu'ils peurent ; mais, en la fin, sancherent: les Franchois partie de leurs mautalens ; car, de six mille Sarasins qui demourëès estoient de là bataille, n’eschappa nul qu'il ne fut mort. Et mesmes le roy Baligans fut ochis.

Adont prinrent les Franchois les despoulles des Sarasins, les armes et les chevaulx, et puis revinrent en Raincevaux. Et quant ils y furent, alors recommencha le doel, sy grant que à paine le poroit nul croire; et y jurent celle nuit. Lendemain en fit le roy porter les corps pour avoir sepultures. Rolant fut enterrés à Blaves et Ollivier avoec luy; Hoel à Nantes; le roy Gayficr à Bordeaux; Engillier le duc d’Aquitaine, Gautier de Treves, et grant plenté des aultres furent mis ens ou chimentiere d'Arles. |

Après ces choses, fit le roy amener Guennelon devant luy pour le jugier; mais Guennelon se veult escondire et du tout excuser. Et dist qu'il se combatroil contre le plus hardy chevallier de sa court. Et adontsallit avant Gondrebœuf, le fils Gondrebœuf de Frise ; et dit qu'il avoit fait la trayson et qu'il luy prouveroit par champ de bataille. Guennelon estoit de grant linage. Sy pria qu’on le laissast escondire et avoir bataille. Et alors le roy Charles, par le conscil de ses scigneurs, et par especial à la requeste el p’iere de ceulx qui parens estoient à Guennelon, luy ottroya et accorda la bataille. Adont s’en allerent armer, et tantost revinrent tout prests ; el quant ils furent près du champ,

‘ Accomplir, épuiser,