TROISIÈME PARTIE. — CHRONIQUE GÉNÉRALE

ürent du port la vigäle de Pentecouste , l’an mille deux cens et quatre. Et la contesse de Flandres et de Haynau, qui esloit demourée enchainte, se delivra d'une fille qui eult à nom Margucrille; el après qu’elle en fut relevée, elle fit appareiller son oire!, et s’en alla après son mary, etvint à Acre en ce tempore?, et puis fit sçavoir sa venue au conte Bauduin son mary , qui estoit en Constantinoble.

Quant les messages vindrent au conte Bauduin , ils lui dirent que la contesse sa femme estoit venue après lui pour faire le saint voyage, comme elle avoit ea volenté, et qu’elle estoit en Acre ; et en fut le conte Bauduin bien joyeulx. Et quant les messages revindrent à Acre vers la contesse, ils Ja trouverent trespassée , dont ils firent grant doel:.

__ Cestuy Alexès, fils de l'empereur Kyr-Sac,

esloit encachiel * de sa terre par ung sien oncle qui eult nom Alexès , lequel oncle print l’empereur Kyr-Sac de Constantinoble en une abbaye où il estoit allé jouer, dalez une cité qu'on nomme Philippe, où saint Pol fist ses espitres. Et luy creva les yeulx; et toutesfois estoit-il son frere ; et puis se fit couronner à empereur, et mist l’empereur Kir-Sac son frere en prison; pour laquelle chose Alexès le josne n'osoit entrer en la terre.

Tant singlerent les Venissiens et les pelerins avoec le fils de l’empereur, qu'ils vindrent devant Constantinoble ; et quand ils furent arrivés, ils mistrent par conseil, Alexès , le fils de l’empereur, en une galye, et allerent devant les murs de Constantinoble, et le monstrerent à cœulx de la cité qui estoient aux murs. Et criotent ceulx qui avoec luy esloient: « Sei- » gneurs, vecy vostre droiturier seigneur! »

mais nuls ne respondirent.

Ælendemain, ordonnerent nos gens leurs batailles, pour prendre le port contre ceulx qui le gardoient , dont il y avoit grant plentés. Sy eurent six batailles ; et fut entre eux ordonné que le conte Bauduin aroil la premiere bataille, Henry son frere la seconde, le conte Hue de Saint-Pol la tierche , le conte Loys de Blois la quarte, Mathieu de Montmorency la quinte, et ÿ eult avec lui Oedon ‘ de Can-Lite, Joffroy de

? Chemin, route,

3 Temps.

# Deuil.

4 Chassé.

3 Quentité.

* Chanpelitte, frère du Champ-Litle de Morée.

Ville-Harduin, Milles de Braïbant, Michiel de Saint-Minehault, Jchan Fromon, Guy de Capes , Clarembault son nepveu et Robert do Roussy; la sixte bataille fut le marquis de Montferrant ; et les Venissiens estoient en l'eawe pour assaillir par là.

Et quant nos gens eurent prins terre, Alexès qui 8e faisoit empereur estoit logié aux champs; sy fit grant semblant de luy deffendre, car moult avoit de gens plus que les nostres n’estoient. Mais quant il vit nos gens approchier , lui et ses gens fuirent en la cité de Constäntinoble ; et nos gens yentrerent et s’y logerent. :

Sy assaillirent puis par maintes fois la cité, et eurent assez de rencontres et de sallycs où ile perdirent et gaingnerent. Mais au darain, Alexès quise faisoit empereur s’en fuy, el ceulx de la cité mistrent l’empereur Kir-Sac hors de prison, et le vestirent de robe imperial , et firent savoir en l'ost, à Alexès fils de l’empereur, ceste chose. Et quant nos gens le sceurent, ils entrerent tantost en la cité ; et sans faille le” Venisiens prinrent à force, par leurs nefs qu'ils joindirent aux murs, pluseurs tours de la cité. Et dist-on que le confanon Saint-Marc fut en une tour veus anchois* qu’on peust sçavoir que nuls de nos gens entrassent en la cité. Et quant nos gens furent en la cité venus , l’empereur Kyr- Sac les rechut à grant joye. Et peu après s’assentirent que Alexès , fils de l’empereur, fut couronnés ; et quand il fut couronnés, il print de nos gens et s’en alla reconquerre son pays. Sy

en vint sy bien à chief, que quant il s’en re- *

tourna à Constantinoble, il coeilla * sy grant orgueul qu'il ne volt tenir les convenances qu’il avoit faites à nos gens. Sy les commencha à tretler sy dur que au darain nos gens iuy manderent : qu’il accomplisist les convenances qu’il leur avoit en convent , ou ils en querroicnt leur raison, et si se garst* d'eux ; maïs il n'en veult rien faire. Sy n’eult puis nulle amour à eulx, et commencha la guerre ; de quoy ils eurent maints puingnichs® ensemble ; mais toujours perdoient les Grecqs de Constantinoble plus que les pelerins.

Etentre ces choses eult ung Grecq, qui avoit nom Morçufile, qui moult estoit privé de l'em-

# Eau.

2 Avant.

3 Conçul.

4 Gardät.

5 Combats.

pereur Alexès ; il et autres siens compaignons eurent conseil de le trayr. Sy le prinrent en son palais de Constantinoble et le mistrent en prison ; puis menerent Morçuffle à l’esglise Sainte- Sophie et là le couronnerent à empereur. Et quand l’empereur Kyr-Sac le sceult, il en eult grand doel et sy grant paour , qu’une maladie l'en print, sy grande qu’il en morut. Et ne demoura gaires après, que Morçuflle estrangla le josne empereur Alexès en la prison où il l'avoit mis , et fit dire qu’il estoit mort par maladie. |

Ii fist le corps enterrer honorablement, comme à empereur appartient ; mais le murdre ne peull estre celés, ains fut brentost sceu des Grecqs et des Latins. Et adonc s’assamblerent les pelerins et les Venissiens. Et les prelats de l'ost qui avoient le pooir du saint-pere de Rome distrent aux barons et aux pelerins : que, s’ils avoient vraye intencion de conquerre la terre de Constantinoble pour mettre en la subjection de l’eglise et la foy de Rome, ils leur octroyoicroient le pardon d’oultre-mer lout entier; car ce- Juy qui avoit son seigneur murdry n’avoiten la terre nul droit, et ceux qui le soutenoient et aidoient estoient escommeniés et hors de la compaignie de l’eglise Nostre-Seigneur.

De ceste chose eurent les pelerins moult grant joye; et distrent qu’ils entreprendroient volenticrs la guerre. Et quand le quaresme fut entrés, les barons et les pelerins appareillerent leurs cngiens et les drescherent, et ceulx de la cité se hourderent, et ratournerent leurs tours et leurs murs. Et les barons parlerent ensemble. Et fu devisés entre eux : que, s'ils pooient la cité prendre à force, tres-tout le gaing et le bulin scroit apporté avant, et deparly en l’ost par commun conseil; et après, prenderoit-on six hommes des pelerins et six des Venissiens qui jureroient sur saints, qu’ils esliroient à leur escient le plus proufitable de l’ost et qui milleur seroit pour gouverner la terre, et celuy seroit empereur de Constantinoble. Et adonc serotent prins douze hommes de l’ost et douze des Venissiens qui deparliroient les fiefs et les rentes, et diviseroient quel service chascun debveroit à l’empereur. |

Ceste chose fut jurée de tous ; et sy escomenierent les prelats tous ceulx qui contre ceste devise seroient. Et quant vint le merquedy après la mye-quaresme, les Venissiens et les pe- Jerins entrerent ès nefs, et s’appareillerent d'as-

CHRONIQUES DE FLANDRES

saillir au costé devers l’eawe !, et avoit bien le front de l'assaut demy lieue franchoise.

Assez y eult trait et lanchiet , et des morts et des navrés d’une part et d’aultre ; et ainsi dura cel assaut tout ung jour, et au vespre se retrayrent arriere. L'empereur Morçuffle avoit ses vermeilles tentes fait tendre en une place vers l’assault, par devers la ville. Si estoit là berbergié à tout son pooir. Et le lundi après, recommencha l’assault moult fier, moult grant et moult fort perilleux , et dura longuement. En la fin leva ung grand vent qui bouta les nefs plus près des murs. Adonc drescherent les eschelles chascun en droit soy, et commenclerent à monter aux murs ; et les premiers qui entrerent dedens che furent ung Venissien et ung chevalier du conte de Flandres qui avoit nom Andrieu de Durboise ; si prindrent une tour; et ceulx qui la gardoient se descoofirent et latsserent les murs.

Adonc commencherent les pelerins à monter par les eschelles vigoreusement aux murs. Si gaingnerent quatre tours. Et les Venissiens qui estoient ès nefs sallirent hors et despiecherent les portes qui estoient enéroit ealx. Et adonc firent les pelerins tirer hors los chevaulx des nefs, et monterent les chevaliers et chevaucheurs ; et entrerent en la ville, et s’adrescherent vers l’empereur Morçufile qui avoit ses batailles ordonnées devant ses lentes, et faisoit grant semblant d'attendre les pelerins; mais quant il les vid approchier , il tourna le dos , et les siens ossy, ct s'enfuit au pallais de Bouckelyon.

Les barons allerent jusques aux tentes ; si eurent conseil qu'ils n’eslongeroient* point les murs. Sy se logea le conte Bauduin de Flandres ct de Haynault ès tentes de l’empereur Morçuffle , et Henry, son frere, devant le pallais de Blackerne, et le marquis de Montferrant et les Venissiens devant la ville. Le conte Bauduin de Blois n’y estoit pas, car il avoit grande espasse languy d'une quartaine 5.

Et quant l’empereur Morçuffle fut à Bouckelion , il ralia ses gens et dit qu'il yroit assaillr les pelcrins ; mais il entra en une aultre rue, et s’en alla à la porte qu'on nomme Porte Oiré!, et par là s'en fuy; et après luy fuirent ceulx qui fuir peurent.

t Eau.

? Ne s'éloigneraient pas des murs.

3 Fièvre quarte. — 4 Porte dorée.