TROISIEME PARTIE. — CHRONIQUE GÉNÉRALE
Les barons qui de ce ne sçayoient riens se reposerent celle nuit, fors tant qu’ils se firent eschaugaitier'; et au matin s’appareïllerent les pelerins, atrait chascun à sa bataille, comme ceux qui cuidoient avoir assez à faire. Ïls chevaucherent parmy les rues, mais ils ne trouverent qui contre eulx fust; ains leur dist-on que l’empereur Morçufile et ses aidans s’en estoient fuys. Si prindrent nos gens très- grans richesses. Chascun print ostel à sa volenté, car assez en y ayoit.
Sy se reposerent jusques à la Pasque, en grant joye, loant Nostfe-Seigneur par quele ayde ils avoient sy grant besongne achevée ; car ils n’avoient point plus de vingt mille hommes à armes, et sy avoient pris une des plus fortes villes du monde et des mieulx fermées, contre plus de quatre cens mille hommes armés.
Après la Pasque, fu commandé que chascun apportast avant le gaing qu’il avoit fait; mais bien puet estre que tous ne le firent mye. Mais toutes fois en eurent les pelerins en leur part bien la valleur de six cens mille bons ducats d'or ; et les Venissiens en eurent plus de quatre cens mille marcs d'argent; et dix mille chevaucheurs d’entour les pays, tant Allemans , Hongrois, Rodiens , Chipriens, Sesilliens, Pouillois, Calabrois et pluseurs Néapolitains, en eurent autant que les aultres, pour ce que aïdiet et sievy les avoient. Et quand le gaing fut deparly, les barons s’assemblerent et nommerent les douze qui debvoient eslire l'empereur ; et ces douze, après moult de parolles et consultations, nommerent de commun accord le conte Bauduin de Haynau et de Flandres empereur, Sy en fil-on grant joye parmy l'ost, car moull s’esloit bien maintenut en celle guerre.
H. 96. — Comment le conte Bauduin de Haynau ct de Flandres fut fait empereur de Copstantinoble.
Le marquis de Montferrant et les aultres barons l'emporterent au moustier ; et trois sepmaines après Pasques, l’an de grace mille deux cents el cinq, le porterent à l’eglise Sainte- Souffye, que la pluspart de ceux de dechà aplent Sainte-Sophie ; et là fut , à moult grande solempnité, de ceulx de l’eglise et des barons couronné comme empereur ; ct luy firent ho-
* Faire le guct.
mage ceulx à qui on avoit aucune terrcassignée en l'empire.
Et quant l’empereur Bauduin eult une espasse sejourné à Constantinoble après son couronnement, 1l s'appresta et chevaucha à grant compaignie de gens parmy la terre de l’empire ; et print toutes les bonnes villes, les chasteaux et toutes les forteresses ; ne netrouya qui contre lui allast , fors qu’ung seul homme qu'on appeloit Johannis, qui estoit roi de Blakie. Celuy Johannis le lint sy court que moult lui livra d’ententes. Et eult en l’ost de l’'empereur Bauduin pluseurs fois grant famine; et sy n’osoient en fourage aller, pour les gens qui s'estoient rebellés quant ils virent qu'ils eurent Johannis à chievetaine‘ ; car ils le amoiïent mieulx que les Franchois : ets’estoient presque toutes les villes et les chasteaux de l’empire de Constantinoble tournés par devers lui,
H. 97. — La bataille de l'empereur Bauduin contre les Blacks, les Comains et les Grecs, et comment il fut perdu , et pluseurs barons ochis.
Ung jour eurent nos gens nouvelles que Johannis les approchoit moult, et qu'il avoit tous ceulx de la terre de Blakye qui armes pooient porter , et bien dix mille Comains , et grant plenté de Gregeois. Nos gens eurent conscil qu'ils n'ysteroient* point contre luy à bataille, car il avoit plus de vingt hommes contre ung des nostres; ains l’attendroient devant leurs tentes. Et fut ainsi convenenchiet et promis de tous.
A lendemain, vint leur contre-partye hardyer autour de l’ost de nos gens ; sy se leva le cry en l'ost. Et quant le conte de Blois le vid approchier sy près de l'ost, il en eult grant desdaing, et dit qu'il ne souffriroit plus la honte que ces chiens leur faisoient. Sy s’arma et yssy de lost, et commencha les Comains à cachier : ; et les sievy près de deux lieues, et manda à l’empereur Bauduin qu'il le sievist.
L'empereur alla après lui; et les Comains avoient plenté 4 de gens embuchiet ; et quant ils eurent fait leur gait et passé, ils tournerent contre le conte. Sy commença la bataille grande et pcrilleuse.
L'empereur Bauduin qui venoit, trouva en
f Chef.
8 Sortiroient.
5 Chasser.
4 Quantité,
nn
son venir le conte Loys de Blois abatu jus de son cheval et navrés en deux lieux; et Jehan de la Friaise estoit descendus et faisoit le conte monter sur son cheval.
L'empereur se ferit au tas de ses ennemis, et commencha la presse à desrompre ; mais tant y avoit des ennemis que ses gens lui prioient pour Dieu qu'il sc retraisist, mais il ne veult; ains s’abandonna contre ses ennemis. Et bien tesmoingnerent ceulx qui eschapperent de la bataille, qu'ils ne cuidoient point que oncques chevalier fesit tant de fais d’armes, ne si grant deffense ne fist à son corps, comme ils lui virent faire; mais tant y eult des ennemis, que, par la souffrance de Nostre-Seigneur, fut prins , et sy nayrés que merveilles estoit comment il vivoit.
Le conte Loys et Estienne de le Perche y furent ocms ; l’evesque de Bethelem perdus; Regnault de Montmirail, Mathieu de Walaincourt, Robert de Roussy, Johan de Friaise, Gaultier de Viellis, Ferry de Erre, Jehan son frere, Bauduin de Noefville, Witase d'Anjou, Jehan son frere ; et moult d’autres, qui virent que leur deffense ne leur valoit riens, s’enfuirent vers les tentes.
Et quand Joffroy de Ville-Harduin et Manessiet de Lille, qui estoientaux tentes, sceurent ceste chose, ils yssirent à tout ce qu'ils peurent avoir de gens; si encontrerent les fuyans et les arrcsterent.
Les Comains, les Blaks et les Gregois qui sicvirent les fuyans, trayrent, chevaucherent et hardycrent à leur bataille ; et ainsi furent jusques aux vespres que chascune parlye se retrayst. El adont s’en retournerent nos ‘ gens vers Constantinoble; et firent Henry d’Anjou, frere du conte Bauduin, bail ou gouverneur de l'empire; et eult ledit Henry pluseurs batailles ct pluscurs encontres contre les Comains, les Blacks ct les Gregois.
Et vint ung jour ledit Henry et ses gens devant ung chastel qu’on appeloit Castenemat pour secourre Renier de Torssy! qui gardoit le chastel ; et luy faisotent les Grecqs grans assaulx. Et quant ils furent là venus, ledit Renier en eult grant joye ; et leur dit , entre les aultres choses : que l’empereur Bauduin estoit mort, et qu'il le sçavoit de certain par ceulx qui l’avoient veu mort; et estoit mors des playes qu'il eult à la bataille où il fut prins. Et quant
* Renier de Trit ou d'Utrecht.
CHRONIQUES DE FLANDRES
les barons seurent ce, ils retornerent en Constanlinoble, et eslirent à empereur Henry, frere audit empereur Bauduin ; et le couronnerent comme empereur l'an de grace mille deux cents el six, le dimence après la my-aoust.
Et puis quant li empereur Henry fut couronnés, 1] se mainlint bien et grossement contre ses ennemis et conquist grant partie de la terre de Salenicke* ; 1l desconfit les Lombards* qui voloient la terre tenir contre lui. Et quant à les eust vaincus, Johannis lui fitrequerre paix ; et elle fut faicte, par tel si que Johannis lui donna une sienne fillé. Et li empereur Henry donna trois siennes niepces, filles de sa suer, femme du comte d’Aussoire, en mariage, l'une à Johannis, l’autre à Coldalastre, et la lierche à Andrieu, roi de Hongrie.
Et par ces mariages acquist-il grant paix au pays, mais il ne vesquit gaires puis ces choses, ains morut sans hoir de sa char ; dont che fut domages, car moult avoiteslé preud’home, vigoreux et de grant cuer. Et après cest, fut empereur Pierre , conte d’Aussoire, que les barons manderent ; el morut ce conte d’Aussoire sitost qu'il fut venuen Constantinoble , ne oncques ne fist rien de l'empire.
Et après la mort de l’empereur Picrre d’Aussoire, manderent les barons par leur conseil, Philippe, conte de Namur ; mais il n’y veult point aller ; si y envoya un sien frere qui Robert avoit nom.
Ce Robert fut fait empereur, mais il se maintint mauvyaisement; et mist les besongnes de l'empire en non challoir, pour une dame qu'il amoit, qui eult esté fille à ung chevallier d'Artois, qu’on appelloit Bauduin de Noefville; si la tint avoec lut comme sa femme, et sa mere estoit avec lui.
Les Franchois quant ils virent ce, furent tous esbahis ; ils eurent conseil, et entrerent en la chambre de l’empereur ; et prinrent les deux femmes , et ruerent la mere en ung batel et la noyerent, ct à sa tille copperent le nez ct les balevres *.
L'empereur Robert en fut si courouchiés qu’il yssy du pays, et s’en alla à Rome plaindre au pappe.
Et le pappe le conforla moult pour la grant
! Salonique
3 C’est-a-dire Boniface roi de Salonique avec les troupes qu'il avait amenées de Lombardie.
3 Lèvres inférieures.
