TROISIÈME PARTIE. —CHRONIQUE GÉNÉRALE
besongne qu'il avoiten la terre, ot lui donna du sien, par 8y qu'il r'allast en Constantinoble. I] se mist en relour, et moruten la voye par maladie.
Qr lairons à parler de la terre de Constantinoble se dirons d'aultre.
MH. 98. — La condampnacion des bherezes de Toulouse et la croix des Albigois.
En l’an de grace 1213 furent le conte de Toulouse, de conte de Foës et le conte de Cominghe, et ceulx de leurs terres ratteins et reprins d’herezie; et fut faitte une croisie sur eux. Et sermonnoit-on par les pays pour prendre la croix d’Albigois, ou d'Aubegois selon aucuns ; mais en ce tamps remanda le pappe par ung legat qu’on prechast de la croix d’oultre-mer et qu’on laissast à preschier contre les Albigois et les herittes' devant dis. Et le pappe fit ce contrernander, pour ce que le roy d'Aragon luy avoit donnet à entendre que on faisoit trop grant lort au conte de Toulouse et assez d’aultres mensonges. |
H. 99. — Comment le conte de Montfort se combaty à ouix et au roy d'Aragon.
Sy tost qu’on eust laissiet le preschier Ja croisie des Albigois et qu’on n’aloit plus avant cu Ja terre, adonc Symon conte de Monfort
qui estoit en Carcassonne qu’il avoit prinse;
avocc plusieurs aultres villes et chasteaux, sur les herezes-au command de l’eglise de Rome, fut à grand meschief en la terre, car 1l avoit peu de gens, et riens de plus ne leur venoit. Et quant le roy d’Aragonne vid ce, d assambla quan qu'il peult avoir de gens, et se tourna avoec le conte de Toulouse et les heriltes, et leur aida à reprendre aucunes de leurs villes et chasteaux. Mais les prelasts et le conte Symon de Montfort firent ceste chose sçavoir au pappe. Sy en fut le pappe sy courchiet qu'il rapela quan qu’il avoit otroié à la requeste du roy d'Aragon, et envoia lettres d’amonester le roy, eur paine d’escomeniement, qu’il laissast la compaignie des herezes. On envoia le mandement au roy par deux abbés, et il respondy qu'il obéyroit volentiers ; mais riens n’en fist; eins assambla son ost, et ala avoec le conte de Toulouse et le conte de Foës et le conte de Commingue en Gascongne, et print pluseurs chasteaux qui estoient au conte Symon de
! Hérétiques.
Montfort, et puis alla assieger Muriant. Leconte Symon estoit à Fangiaut!, et avoec luy estoient le conte de Corbuel et ung peu de pellerins, et sept evesques et trois abbés, et Guillame d'Aire son ferre, et aucuns aultres chevaliers ; mais peu avoient de gens.
Lendemain au matin, les evesques et les abbés, lous revestus des armes Nostre-Seigneur, escomenierent le conte de Toulouse, le conte. de Foës, le conte de Commingue et tous leurs aidans, et noméement le roy d'Aragon qui estoit leur chief. Et après la messe s’armerent lous,etmonterentsurleurs chevaulx., et yssirent de la ville.
Et quant ils furent hors de la ville, ils firent trois batailles, en l’onneur de la Trinité; et manderent au roy d’Aragonne pour Dieu qu'il eusist pilé de la crestienneté et qu'il se partesist du siege ; mais il n’en veult riens faire. Et quant ils virent ce, uog preudhomme fit ung brief sermon. Sy dit entre les aultres choses : que se l’un de nos gens avoit autant de foy comme ung grain de semaille est grant , les ennemis n’aroient pooir contre eulx. Et adont s’escria le conte Symon et dit : « Certes donc » sont-ils desconfis, car j’en ay plus que Morel* » mOn cheval n’est grant.» Et ce recordons pour la grant bonté du preud’homme. Et aprés ceste briefve colacion et exortacion, les absolurent les evesques, et leur donnerent pleniere remission de tous cas commis et passés, et plain pardon de paine et de coulpe, par l’auctorité du saint pere qui ce pooir leur en avoit donné,
Entre les chevaliers qui avoec le conte Symon estoient, en y avoit deux moult renommés de grant chevalerie; l’un estoit messire Alain de Renty, et mon sieur Florent de Ville. Ces deux et aucuns aultres s’accorderent de mettre leur entente à ochire le roy d’Aragonne; car s’il estoit mort, comme vray leur sembloit, les aultres en seroient plus legierement desconfis. Le conte Symon et ceulx qui avoec luy estoient n’estoient point plus de huit cens chevaucheurs, et en l’ost du roy d'Aragon en avoit bien cent mille. Le roy d'Aragon changa ses armes et fit les siennes vestir à ung sien chevalier. Le conte Symon de Monfort ordonna ce tant de gens qu'il avoit en trois batailles. La premiere fut bailliée et delivrée au conte de Corbuel qui moult bon chevalier estoit ; la seconde à mes-
i Fanjeaurx.
3 Cheval noir.
sire Alain de Renty, et avoec luy Fleurent de Ville ; et il retint la tierche.
Sy widerent, avoec la benediction des evesques et des abbés, sur leurs ennemis. Et quant ce vin! à l’approchier, le conte de Corbuel, qui menoit l’avant garde, conduit sa bataille bien ordonnéement et fort serrée jusques en lost ; et assallirent moult vigoureusement, selon la cantité de gens qu'ils estoient, et fort asprement les ennemis. Sy commancha la bataille pesante et dure. La seconde bataille vint après, en la quelle metsire Alain de Renty, et mon sieur Flourent de Ville estoient. Ils virent celuy qui avoit vestu les armes du roy d’Aragonne; 88 luy coururent sus toat ensamble , et chil se deffendist au mieux qu’il peult. Mais messire Alain, qui bien perchut que le roy estoit meilleur chevalier de trop, s’escria et dist : « Ces- » tuy cy est trop mol, envers le roy ; ce n’est il » pas. » Et quant le roy d'Aragon, qui assez près du chevalier estoit, oyt celle parolle, il ferit des esperons et ne se veult plus celler ; ains hucha: à haulte voix et dist: « Voirement n’est il » mye che. Me vechy. » Et haucha* une mache turquoise, comme celuy qui estoit fort chevalier et vaillant et de grant cuer, et en ferit un chevalier des noss, et le fist verser à terre jus du cheval, et puis se lancha en la presse et fit merveilles d'armes.
Et quant mon sieur Flourent et messire Alain virent ce, ils le recongnurent et luy coururent sus tout à une fois, et leurs compaignons si l’avironnerent et se penerent de le grever , tellement que là l’ochirent. Et quant les Aragonnois virent leur seigneur mort, il n’y eult plus d’arest, ains se misrent à la fuite. Le conte Symon et les siens les encacherent vigoreusement, et sy en ochirent plusieurs milliers. Mais ils ne les veulrent pas cachier moult loing, ains s’en retournerent vers Muriant, et y trouverent ceulx de Toulouse qui avoient assally Muriant. Sy en ochirent grant partye, et le remanant s’en fuy. Après trouva le conte Symon le roy d’Aragonne où il gisoit mort.
Quant il le vid, il le plaindit moult, pour ce qu'il avoit esté son seigneur.
En celle bataille eult bien mors des ennemis de sainte eglise vingt mille. Les prelats et le conte Symon de Monfort, qui bien sceurent que
Appels. |
3 Souleva, 3 Nœuds.
CHRONIQUES DE FLANDRES
ce avoit esté œvre de Dieu, se deschausserent en my les champs où les batailles furent, et allerent à nuds pieds jusques à l’eglise, et rendirent graces à Nostre-Seigneur, par laquelle ayde ils avoient eu celle victoire. Et donna le conte Symon son cheval et ses armes aux povres, pour l'amour de Nostre-Seigneur.
Et ceste bataille fut en l'an 1214, le 27° calende d’aoust.
Or lairons à parler du conte Symon de Montfort et des pelerins, sy dirons du royalme de France. |
H. 100. — Le mariage Ferrant de Portingal à La eontessæe Jebenne, fille du conte Bauduin de Flandres (146, r.).
H. 101. — Comment monseigneur Loys, fils da roy Philippe de France, fil ciore les portes de Peronne, quant le conis Ferrant de Flandres et sa femme Jehenne y furent entrés pour aller en Flandres, et ne les en laissa vuidier jusques à tant qu'il eust pris Aire et Saint-Omer (146, v.).
H. 102. — L'assemblée des gens de la bataille qui fut au pont 4 Bouvines (147, r.).
H. 103. — La bataille de Bouvinces (148, r.). H. 104. — De l'empereur Federic (148, v.).
H. 105. — D'une guerre de France et d'Engleterre (149, r.).
H. 106. — Commen' monseigneur Loys, fils du roy Philippe ds France , entra eu Kngleterre par l'accord des Englesques , € comment les Englesques retournerent contre juy (149, v.).
H. 107. — La mort du conte Symon de Monfort (150, v.)
. H. 108. — La mort du roy Philippe de France et le regne Loys
sou fils (151, r.).
M. 109. — Comment Bertrand de Ray se fil conte de Flandres (152, r.).
H, 110. — Comment le roy Loys de France manda celuy Bertrand de Ray, pour sçavoir se c'estoit son oncle, et comment äl s'en fuy de Peronne (152, r.).
H. 111. — Du regne du bon roy Loys de Franoe, fils du roy Loys (153, v.).
H. 112. — La condampnacion de l'empereur Federic (153, r.).
H. 113. — Comment frere Robert fit ardoir les bougres (154, Fr.)
H. 114. — La mort de la contesse Jehenne et la succession ds la contesse Marguerite (154, v.).
H. 115. — Comment monseigneur Guillame de Dompierre, conte de Flandres, fut ochis en vung tournoy à Traregsies (155, r.).
H. 116. — Du royalme de Sesille (155, v.).
H. 117. — De Johan d’Avesnes, fils de monseigneur Bouchart d’Avesnes et de Marguerite, puis contesse de Flandres (156, r.). |
H. 118. — Comment Charles, conte d'Anjou, assioga la ville ds Valenchiennes (156, v.).
H, 119. — La mort de la coniesse Marguerile de Flandres el de Laynaull (157,r.).
